[A:185]ste phyogs kyi mkhas pa rang rang gi dad mos kyi sgo nas zhu phul ba'i/ zab pa dang rgya che ba'i chos kyi 'brel pa rang rang gi blo'i yul du 'jug pa'i mchod sbyin yang rim gyis stsol bzhin pa'i ngang nas/ dus kyi mthar son pa nyer gcig gi nyin 'grub sbyor lhag par dge ba la/ gzhis ka rin spungs nas legs ston gyi mtha' rten gyi ston chen zhus pa'i dgongs ja bla brang nang nas stsal ba'i steng du rnyed pa'i yon/ chos rje rnam pa bzhi/ phyogs byon gyi zur 'chad rnam pa/ tshogs kyi dbu mdzad chen mo ste sum cur nye ba la gser nas ja rnams kyi zho re/ chos rje rnam pa bzhi la maNDal gyi rgyan bzang po re/ glo bo chos rje dang/ chos rje kun dga' rgyal mtshan pa la rgya'i rdo rje dril bu khyad 'phags re re/ rten khebs re/ chos rje brag dkar ba la rten khebs/ gdung rten rgya gar ma/ kha che'i spos phor/ chos rje kun dga' bkra shis pa la rten khebs/ ting shags dza landha ra ma/ dngul gyi ril ba spyi blugs/ phyogs nas spyan drangs pa'i slob dpon rnam pa brgyad la gdan yug re/ na bza' sna re/ rten khebs re dang bcas pa lhag par phul/ phyogs nas byon pa'i dge 'dun gyi sde mtshan so so la tshogs zangs che ba re/ zangs ma'i gcu re/ ja zho re/ gsang phu ba la de stengs su slob dpon pa la na bza' cha tshang/ gaNDi/ sil snyan/ chos 'khor rtse ba la gaNDi byin rlabs can/ seng ge'i khri la 'khod nas bshad pa mdzad pa rnams la nas zho re/ lung rigs kyi grwa chen mo nas nyis sdebs su bzhengs pa rnams la nas zho phyed re/ gzhir bzhugs kyi dge 'dun rnams la seng ge rtse nas zla phogs re chu mig tu 'bul rgyu la 'dum par mdzad do//
thog mtha' bar gyi ston chen gsum po la mtshan brjod 'bum gter re'i rgyu tshogs gar 'gro la