[A:156]dang dad mos rtse gcig pas bsgrubs shing/ bkra shis brtsegs pa'i gzims khang rtse de nyid dang/ grwa khang yang phal cher thebs/ grwa pa'i tshogs kun kyang nyin par sgo gsum dge bas 'khol ba'i g.yeng ba des brel ba'i ngang nyid las/ slar chos brjod rigs lung stong chos sogs gang la yang tho mi phog pa'i blo bskyed sogs lhag par che ba la bsams na/ sangs rgyas mchog gi mdzad pa'i 'phrul/ sprul pa mang po bye ba phrag brgya'i tshul nyid du gyur pa'i dbang dang/ gtsug lag khang gi lcam shing sogs kyang/ mi ma yin pa'i 'gro ba dregs ldan mtha' dag gis gus pas bstabs pa'i rnam 'phrul bsam gyis mi khyab pa dang/ ka gdung sogs mi brgyar longs kyis bskul bskyod dka' ba dag kyang/ ar las pa mi nyi shu tsam gyis bde bar phrag pa'i khar len nus shing/ ngal ba dang chad pa skad cig med cing legs par 'drongs pa sogs/ bsam shing yid la ngo mtshar ba'i dad pa'i mchog lhag par skye ba nyid yin par gor ma chag go/
der lug lo vc: 1487la byams pa'i sku dang/ gtsug lag khang gi khyon che long legs par grub pa'i rab gnas dges pa rdo rje'i rdul tshon gyi dkyil 'khor legs par bzhengs nas/ dge slong rdo rje 'dzin pa'i zhabs 'bring ba'i tshogs dang bcas pas bkra shis mnga' gsol brtan bzhugs zhal bsro'i bar gyi cho ga'i legs byas yang dag phun tshogs stsal/ de'i snga sor sde pa gtsang chen drung dang/ hor shAkya pa sogs kyis dbang yon du phul ba'i chu dbar chos rdzong/ bdag chen rin po che chu mig pa blo gros dbang phyug pas stsal ba'i chos gzhis/ slar yang dbang ldan chos 'khor sogs nyang stod skor nas kyang bod 'brog gi chos gzhis gsar du byung ba kun la gzhi gnang/ gtso bor stod mnga' ris/ smad mdo