[A:14]dpag las/ rnam dpyod dang ldan pa la la ni/ 'di dus nges par 'grig/ sa skya'i mkhan chen g.yag pa de nyid skye ba yongs su bzung bar snang ngo/ zhes phyogs kun tu sgrog mod kyang/ nga'i gdul bya zhes pa'i nges tshig ni/ gser mdog can gyi bshad grwa khyad par ba dag ma 'ongs pa mngon sum du gzigs pa'i dbang las lung ston par mdzad do// zhes gtan tshigs dang 'brel pa yang snang ngo//
thog ma der blo gsar grwa skor zhig skyor mo lung gi chos grwar mdzad par dgongs nas/ mkhan chen chos rgyal dpal bzang pa la rgyu mtshan dang bka' gros ljebs par phul bas/ bka' lung gi bslab bya mdzad pa yang/ khyed zhang dbon grwa tshang tha dad pa'i dbang las/ cung zhig dka' ba'i gnas su lhung bar snang bas/ da res bshad gsar la dmigs pa'i cha rkyen rnams sku rim du bsgyur ba 'thad ces gsung ba'i bka' bkod zhib rgyas stsal ba ji lta bar mdzad do// zhes kyang sgrog go//
zhang po dge bshes 'di nyid la drin du gzo ba'i thugs lhag par gnang zhing/ bshes gnyen dam pa bcu phrag bzhi'i bstod pa'i nang du'ang ma chud 'dug ces thugs las gnang zhing/ bris sku'i nang du legs par bris te/ slob dpon don grub dpal bzang zhes mtshan gyis mtshon par gyur to//
der dgung lo brgyad du phebs tsam/ tha snyad lam gyis khur bor btags pa'i slob dpon mkhas pa dpal ldan bzang po sngon mkhan chen g.yag pas bcom ldan 'das gtum po dkar po bsgrub pas bar chad kyi g.yul las yongs su rgyal nas zhal mngon sum du gzigs pa'i gnas mi g.yo brag phug na bzhugs pa'i drung du byon/ sku chos byed 'dod la gang po sogs ni skyor mo lung nyid sngon nas da lta'i bar gyi 'dul ba 'dzin pa'i srol ma nyams pa chu bo'i rgyun lta bu'i grwa sa 'di nyid du gyis zhes bskul la/ de las gzhan dag ni ser 'bras sogs gzhan dang gzhan du'ang rigs so zhes