[A:375]ji tsam reg pa'i rgya khyon dang mnyampnyam pa 'ja' tshon gyi ri mo gsal bar dod pa dang/ yang rgyun ma'i bzhugs gdan de las bzhengs pa'i tshe rtag tu phyag gis 'ju ba'i ka ba cig bzhugs gdan gyi g.yas zur yod pa de la/ phyag g.yas pa'i sor mo bzhi'i rjes gsal bar dod pa rnams so//
de dag ni rang gi mngon sum gyis grub pa dang/ slob dpon mkhas pa'i dbang po rje nyid kyi zhabs rdul yun ring du bsten pa'i skyes bu dam pa rnams kyi gsung las thos pa dang/ gzhan yang yid ches pa'i mched po dam par gyur pa rje nyid kyi nye gnas chen mo slob dpon nam mkha' dpal ldan pa'i gsung las thos pa rnams kyang phyogs gcig tu bsgrigs te gsal bar bris pa yin no//
mgon khyod nges par yang dag rdzogs sangs rgyas//
la lar dag pa'i sar bzhugs sems dpa'i tshul//
gzhan du so skye'i slob dpon mkhas pa'i skur//
ston mdzad dge ba'i bshes khyod phyag gi gnas//
shing rta'i srol 'byed padma'i ngang tshul nyid//
grub pa'i sar bzhugs rje btsun rgya gar dang//
'chad rtsod rtsom mkhas kun mkhyen rong po'i zhabs//
tha dad gsum min thugs rgyud gcig pa'i sku//
sngon tshe sprul pa'i lo tsa rin chen mchog//
bar du bcom ldan rigs pa'i ral gri'i zhabs//
tha mar smra ba'i seng ge rong ston rje//
so sor snang yang gsung rgyun gcig pa'i sku//
bcu phrag brgyad dang gsum gyi lor bzhugs nas//
mtshan nyid theg pa'i gzhung tshan drug cu dang//
dbang dang gdams pa rgyud chen bshad pas//
bstan pa'i 'dzin khyod gangs can mkhas pa'i gtso//
bu slob bstan pa'i ka chen rnam pa bzhi//