[A:200]རྒྱལ་མཚན་ལྔ་ལ་གསོལ་བ་འདེབས། །གསུང་རབ་གངས་རིར་
ཡང་རྩེ་བ་
རིན་ཆེན་སེང་གེའི་རྒྱལ། །སྐལ་བཟང་སངས་རྒྱས་བདུན་པ་རིན་ཆེན་གྲུབ། །དེ་སྲས་ཐུ་བོ་རིན་ཆེན་རྣམ་རྒྱལ་ཞབས། །འཆད་རྩོད་རྩོམ་ལ་གྲགས་པའི་རྒྱལ་མཚན་འཛིན། །ཡེ་ཤེས་རྒྱ་མཚོར་རིན་ཆེན་བསོད་ནམས་འཕེལ། །ཆོས་རྗེ་ཆོས་ཀྱི་རྒྱལ་པོ་ཆོས་དཔལ་བ། །འདུས་པའི་ཕྱག་འོད་མཁན་ཆེན་རིན་རྒྱལ་བ། །ཐར་པའི་དེད་དཔོན་དྲུག་ལ་གསོལ་བ་འདེབས། །བསྟན་འགྲོའི་གཉེན་མཆོག་མཚུངས་མེད་ཆོས་རིན་རྗེ། །ཕན་བདེའི་འབྱུང་གནས་བསོད་ནམས་དཔལ་འབྱོར་ཅན། །ཚོགས་གཉིས་རིན་ཆེན་བཀྲ་ཤིས་རྒྱལ་མཚན་བསྒྲེང༌། །མཁས་གྲུབ་ཆེན་པོ་མུས་པ་
ནམ་མཁའ་དཔལ་བཟང་ཞབས། །མཆོག་འདི་མན་ལ་ནཱ་ལེནྡྲའི་བླ་མ་
ལེགས་རྡོ་རྗེ་བསྟན་འགྲོ་པདྨོའི་གཉེན། །དངོས་གྲུབ་མཆོག་བརྙེས་སྐུ་ཞང་
མཁྱེན་རབ་བསྟན་འཛིན་བཟང༌། །རྡོ་རྗེ་འཆང་དངོས་སྐུ་ཞང་
ངག་དབང་ལྷུན་གྲུབ་ཞབས།། བསྟན་པའི་བདག་པོ་རྣམས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་བརླབས་ཀྱིས། །བདག་དང་ཕྲིན་ལས་པ་
མཁའ་མཉམ་འགྲོ་བ་མ་ལུས་པ། །འཆད་རྩོད་རྩོམ་ལས་ཐུབ་བསྟན་རྒྱས་བྱེད་ཅིང༌། །ཕྱག་རྒྱ་ཆེན་པོའི་དངོས་གྲུབ་མྱུར་ཐོབ་ཤོག །ཅེས་པ་འདི་ནི་དཔལ་ཞ་ལུའི་མཁན་རིན་པོ་ཆེ་རྡོ་རྗེ་འཆང་དང་མི་གཉིས་པ་རིན་ཆེན་བསོད་ནམས་མཆོག་གྲུབ་གང་གི་ཞལ་སྔ་ནས་བསྐུལ་བ་ལྟར། ཕྲིན་ལས་རྣམ་པར་རྒྱལ་བས་རྡོ་རྗེ་གདན་ཉི་མ་གླིང་དུ་བྲིས་པ་དགེ་ལེགས་འཕེལ།
༈ གཙུག་ཏོར་གདུགས་དཀར་ལྷ་ཞེ་གཉིས་ཀྱི་དབང་དང་ལེགས་ལྡན་ནག་པོ་གྲོང་ཁྱེར་སུམ་བརྩེགས་འཇིགས་པར་བྱེད་པ་མ་མོའི་ཚོགས་ཀྱིས་བསྐོར་བའི་རྗེས་གནང་གཉིས་ཀརྨ་པ་མི་བསྐྱོད་རྡོ་རྗེའི་ཞབས་ཀྱིས་མཛད་པའི་སྟེང་ནས་ཐོབ་པའི་བརྒྱུད་པ་ནི། རྡོ་རྗེ་སེམས་དཔའ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིངྷ༌། ཛྙཱ་ན་ཀུ་མཱ་ར། རྨ་རིན་ཆེན་མཆོག །ལིང་ནམས་ལོ་ཙཱ་བ། ལིང་ནམས་ལོ། རོག་སྟོན་པ།