[A:543]lha la bskal pa'i bar du mi 'chor ba'i ting nge 'dzin yod de/ 'tshang rgya ba la mi phan/ bye ma btsir bas mar khu mi 'ong ba dang 'dra/ bka' gdams pa la yang gdams ngag yod de/ man ngag med/ bod kyi snying la 'dre zhugs pas/ jo bo rje gsang sngags 'chad du ma bcug de bcug na da lta bod grub thob kyis gang 'ong ba yin/ bka' gdams pa la bskyed rim lnga pho red po re dang / rdzogs rim snod bcud 'od gsal du bsdud pa re las med/ da khyod rang nga'i gtum mo a thung bsgoms dang gsung / der gser zho gnyis brin du gnas po cig la gtad nas rgyags skyal bar khas blangs/ pha bong cig gi rtsar shing dang bal bo la bsdus pa'i khang chung cig byas nas/ gzod gdams ngag zhus pa na/ khyod kyis sngar dbang thob pa des go ma chod pa ma yin kyang/ nga rang gi lugs shig kyang byed dgos gsung nas/ phag mo'i byin rlabs kyi bka' cig gnang / der bla mas gnang ba'i gdams ngag bsgoms pas rtags mtha' yas pa rim par byung ba bla ma la zhus pas/ thams cad la lus kyi gnas 'dir rlung dang khams zin pa'i rtags yin/ skyon yang min yon tan yang min da dung bsgoms shig gsung nas/ bskyangs pas/ zhag re la rlung thengs res chog pa dang / rlung lag sor gyi rtse mor 'drongs pa byung ba zhus pas/ de yang rlung la dbang thob pa ni min las su rung ba ni yin gsung / nyi zla gzas gzung ba'i snang ba byung nas/ nga ni nga ni bya ba lan gsum gsung