[A:526]kyang ngos zin/ yar klungs pa lha rje 'bar gyis ni dbang rdzogs kyang ye shes ngos ma zin zer/ gzhan yang nye gnas rin chen grags/ gnyags gcer bu la rta shod ras pa yang zer/ sgom chen smon lam/ mal yer pa ba/ mnga' ris pa gsal mchog jo mo sgre mo/ lho pa byang ston/ 'tshur ston dbang de/ dus gsum mkhyen pa/ tsa ri sgom chung la sogs pa rnams so/ /sngon mtsho sna dril chung du bu mo lnga dang mjal zhing glu blangs pa'i dbus na mo des phyis ras chung ba la brten nas bsgoms pas/ se mo do nas mkha' spyod du gshegs par grags so/ /de ltar gzhan gyi don mang du mdzad de/ dgung lo bdun cu rtsa brgyad pa lcags mo sbrul la gshegs so/ /ras chung pa nas byung ba'i grub rgyal ma'i tshe sgrub kyi lo rgyus la/ ras chung bas brgyad cu rtsa gnyis bzhugs zer ba yod na'ang / dngos kyi slob ma mchog rnams kyis bstan rtsis zhib yang dag pa mdzad pa las bdun cu rtsa brgyad du gsal ba yin no/ /
lo byi mgo ba ni/ yul gnyal stod pa/ ras chung pa la gser gyi maNDal phul nas dbang gdams ngag thams cad rdzogs par zhus/ rlung a ba dhU tIr tshud nas sangs rgyas dang byang chub sems dpa' dpag tu med pa'i zhal gzigs/ bde mchog dpa' bo gcig pa'i zhal yang gzigs/ rnal 'byor gyi dbang phyug chen por bzhugs/ ma gcig g.yang dgos kyi sras mo zhig gis zhabs tog mdzad nas rje ras chung pa'i spyan sngar lo nyi shu