[A:455]las kyang mang du mched cing / nag tshos rong pa phyag sor ba la gshed skor bshad pa las
kyang mched/ 'gos kyis kyang gshin rje gshed kyi rgyud la bshad pa 'ga' re mdzad/ snying ma'i 'char kar grags pa la yang phyag len mdzad do/ /lo tsA ba gzhan dag la yang
lung tsam byung mod kyi/ rwa lo tsA ba rdo rje grags kyis gshed skor mang du bshad cing / rgyun yang ring du gnas pa yin no/
/de la rwa lo tsA ba rdo rje grags ni/ snye nam snang yul du 'khrungs/ byis pa'i dus na lha mo re ma tis phu rung nang du bcug nas zla ba gnyis su khams bskor zhing / de nas ma la gtad/ dus phyis rab tu byung zhing bsnyen par yang rdzogs/ de nas bal yul du bal po thugs rje chen po la gtso bor brten cing / de la nA ro pa nas pradznyA rakShi ta/ des bal po thugs rje chen po la gsungs nas/ de la rwa los legs par gsan zhing
mang du mkhyen pa ni/ 'di lta ste/ bde mchog rtsa rgyud dang / sambu Ta dang / rdo rje mkha' 'gro dang / rgyud bla ma mngon brjod bla ma dang / he ru ka mngon 'byung dang / kun spyod dang / phag mo mngon 'byung dang / nag po'i chos drug dang / lU yi pa/ rdo rje 'jigs byed kyi skor dang / gshin rje gshed nag po'i skor dang / gdong drug gi skor dang / mtshan brjod dang / zhal gnyis ma'i skor dang / sgom gyi gdams ngag dang / bar phu dang mgon chung la sogs pa srog ser gyi gdams pa dang bcas pa mkhyen/
de rnams panTi ta 'ba'