[A:419]bram ze rin chen rdo rje/ ba ra hi ta/ ha su ma ti/ spa tshab lo tsA ba zhes 'chad do/ /spa tshab brgyud pa dang bcas pa'i skabs so/ /
mngon pa'i brgyud pa'i skabs/
gangs can gyi khrod du mngon pa kun las btus kyi bshad pa rgyun chags su byung ba'i brgyud pa ni sangs rgyas byams pa/ thogs med/ dbyig gnyen/ blo brtan/ gang spel/ kha che dzi na mi tra/ ka cog zhang gsum/ des lha lung dpal gyi rdo rje/ nam nang zla ba'i rdo rje/ dbas rgyal ba ye shes gsum la bshad/ dang po gnyis kyis bsgoms pas grub pa thob/ dbas dbus su 'khrug pa byung nas khams su gshegs/ de la grum rgyal ba'i ye shes/ de nas gru mchog gi ye shes/ se btsun/ gar mi yon tan g.yung drung / khu ston brtson 'grus g.yung drung / rwa khri bzang 'bar/ rgya tshul le/ li bdud rtsi grags rnams byung ba las/ rwa khri bzangs la brang ti dar ma snying pos gsan/ brang ti ni slob ma shin tu mang ste/ rngog lo tsA ba chen po panTi ta 'bum phrag gsum pa mjal ba'i phyir 'khor dge slong sum brgya dang bcas te byon pa'i tshe/ lo tsA ba'i dge slong re re la brang tis khong rang gi slob ma dge slong bcu gsum bcu gsum bsnyen bkur byed du bcug ces grags/ brang ti la ko bo ye shes 'byung gnas/ de la rog chos kyi brtson 'grus/ 'di la brten nas