[A:393]yang 'khon dkon mchog rgyal pos sa skya btab pa dang lo gcig gsang phu nas rwa sgreng du ston pa sku mched rnams mjal ba la yang lan mang du phebs te/ jo bo'i chos la gtso bor mdzad pa yin/ de'i dbon po rngog lo chen po de ni/ chos skyabs kyi sras su sa mo phag gi lo la 'khrungs/ gzhon nu'i dus nas khu bo'i drung du byon/ khu bo dang gzus kyi slob ma sbo chung ba tshul khrims shes rab la sogs pa'i sar yang gsan pa mang du mdzad/ khong gi shes rab mchog tu gyur pa de la khu bo mnyes nas lo bcu bdun bzhes pa'i tshe kha cher slob gnyer la brdzangs/ de'i tshe rwa lo/ gnyan lo/ khyung po chos brtson/ rdo ston/ gtsan kha bo che rnams dang lhan cig 'grogs nas byon pas/ mnga' bdag rtse ldes dbus gtsang khams gsum gyi sde snod 'dzin pa rags pa rnams spyan drangs nas/ me pho 'brug gi lo'i chos 'khor mdzad pa thug rtse lde'i sras po dbang phyug ldes rngog gi yon bdag bya bar chad nas/ kha cher byon te/ panTi ta sadzdza na dang / par he ta bha dra la sogs pa drug tsam bsten/ bar du rgyags chad nas kha che gser slongs bya ba'i yi ge mnga' ris su btang ba las/ dbang ldes gser mang po yang bskur/ tshad ma rgyan bsgyur cig bya ba'i zhu ba byung bas/ panTi ta skal ldan rgyal po dang rngog gnyis kyis legs par bsgyur/ der kha cher lo bcu bdun du yang dag par sbyangs nas/ slar bod du byon/ bod du yang panTi ta 'bum phrag gsum pa dang / su ma ti kIrti gnyis la chos