[A:586]བཞུགས་པ། བཅོམ་ལྡན་འདས་བྱམས་པས་ཡང་དག་པར་བསྐུལ་ནས་ཡུམ་གྱི་ལྷུམས་སུ་གཤེགས། དེའི་ཚེ་མངལ་དག་པའི་ཕོ་བྲང་དུ་གྱུར་པ་སོགས་ནི་ད་གདོད་སྨོས་ཅི་དགོས། མངལ་ཉིད་ན་བཞུགས་པའི་ཚེ་མ་ཎིའི་སྒྲ་གྲགས་པ་དང༌། འཁྲུལ་འཁོར་མཛད་པས་ཡུམ་ཡང་ལུས་འཕར་ཞིག་གཡོ་བ་ལ་སོགས་པར་གྱུར། ལྕགས་ཕོ་འབྲུག་གི་ལོ་ཟླ་བ་གསུམ་པའི་ཚེས་བརྒྱད་ལ་སྐུ་བལྟམས། དེ་མ་ཐག་མ་ཎི་དང་དབྱངས་གསལ་གྱི་གསུང་བྱུང་བས་ཡབ་དོགས་པ་སྐྱེས་པ་ལ། ཡུམ་གྱིས་ང་ལ་རྨི་ལམ་བཟང་པོ་མང་པོ་ཡོད་པས་ཐེ་ཚོམ་མི་དགོས་ཞེས་དོགས་པ་བསལ་བར་གྱུར་ཏོ། །དགུང་ལོ་གསུམ་པ་ལ་མྱང་པོར་བྱོན། དེའི་ཚེ་ཡུམ་ལ་ང་ཀར་མ་པ་ཤིའི་སྐྱེ་བ་ཡིན། ཛམ་བུའི་གླིང་འདིར་ངའི་གདུལ་བྱ་མང་དུ་ཡོད་པས་འོངས། ཁྱོད་ལྟོས་ཤིག་གསུང་ནས་འཆི་མེད་འཁྲུལ་འཁོར་མཛད། འདི་རྣམས་ད་དུང་མ་སྨྲ་ཅིག་གསུང༌། ད་ལྷ་སར་འབྱོན་དགོས་ཞུས་པས། ད་ལན་རང་ཨེ་ཐོན་ནམ། སྔོན་ལ་ཀོང་པོའི་ཞོ་ཁ་དང་བྲག་ཕྱི་དང་ནགས་ཕུ་རྣམས་སུ་ཕྱིན་ནས་བལྟ་དགོས་པར་ཡོད། ཀོང་ཡུལ་གཤིན་རྗེ་དོང་ཁའི་འོག་ན་དམྱལ་བའི་ཟངས་ཁ་ཡོད་པས། དེ་ནས་སེམས་ཅན་རྣམས་འདྲེན་དགོས། ངའི་ཞལ་མཐོང་བས་ངན་སོངདུ་མི་འགྲོ་བ་ཡིན། འཚུར་ཕུ་དང་ཀར་མ་དང་རྒྱལ་པོའི་ཕོ་བྲང་རྣམས་སུ་ཡང་རིམ་གྱིས་འགྲོ། །རྒྱལ་པོའི་ཕོ་བྲང་ན་ངའི་གདུལ་བྱ་དཔག་ཏུ་མེད་པ་ཡོད་པ་ཡིན་གསུང༌། དྲུང་ཉིད་ཀར་མ་པ་ཤིའི་སྐྱེ་བ་ལགས་ན་ཆོས་རྗེ་རང་བྱུང་རྡོ་རྗེ་མ་ལགས་སམ་ཞུས་པས། དེ་གཉིས་ཁྱད་པར་མེད་ད་