[A:521]པ་སངས་རྒྱས་ཀྱང་དིང་རི་ན་བཞུགས་པའི་སྐབས་ཤེད་དུ་རྗེ་བཙུན་དང་མཇལ་ཞིང་གསུང་གླེངས་བགྱིས། ཆུ་བར་དུ་འདྲེ་དམག་བྱུང་བ་དེ། ངམ་རྫོང་སྟོན་པས་ཆུ་ཕོ་འབྲུག་གི་ལོ་ཡིན་པར་བྱས་འདུག་པས། རྗེ་བཙུན་གྱི་དགུང་ལོ་བདུན་ཅུ་རྩ་གསུམ་པར་འགྱུར། རྗེ་བཙུན་གྱི་སློབ་མ་ཡང་རས་པ་མཆེད་བརྒྱད་དུ་གྲགས་ཏེ། གུང་ཐང་གི་གཉན་ཆུང་རས་པ། ལྕེམ་ལུང་གི་ངམ་རྫོང་རས་པ། རྟ་མོའི་འབྲི་སྒོམ་རས་པ། འོད་ཁྲའི་སེ་བན་རས་པ། སྣི་ཤང་གི་ཁྱི་ར་རས་པ། རས་པ་ཞི་བ་འོད། བདེ་བ་སྐྱོང༌། ར་རྫི་རས་པ་རྣམས་དང༌།
ཡང་ཁྱུང་ཚང་བ་ཡེ་ཤེས་བླ་མས་ནི། སྲས་ཀྱི་ཐུ་བོ་ལྟ་བུར་གྱུར་པ་རས་ཆུང་བ་དང༌། སངས་རྒྱས་སྐྱེ་བ་གཅིག་གིས་ཐོགས་པ་བྱང་ཆུབ་སེམས་དཔའི་སྤྲུལ་པ་རྗེ་སྒམ་པོ་བ་ཆེན་པོ་དང༌། སྒོམ་ལ་སྲན་ཚུགས་པ་རོང་ཆུས་རས་པ་དང༌། དྲོད་ལ་དབང་ཐོབ་པ་རྣལ་འབྱོར་པ་ཞི་བ་སྐྱོང་དང༌། དད་པ་དང་དད་མོས་གུས་སུ་ལྡན་པ་འབྲི་སྒོམ་ཡང་ལེགས་དང༌། ཇོ་རྡོར་དང༌། ཞང་ནག་དང༌། སེ་བན་སྟོན་ཆུང་དང༌། ལུ་སྐམ་རས་པ་དང༌། ཡོན་བདག་མོ་ལེགས་སེ་དང༌། རྣལ་འབྱོར་མ་ལྕམ་མེ་དང༌། སྒྲོན་ནེ་ལ་སོགས་པ་ཆོས་ཉིད་ཀྱི་དོན་རྟོགས་པ་མང་དུ་བྱུང་ངོ་ཞེས་འདྲེན། རས་པ་ཞི་བ་འོད། སངས་རྒྱས་སྐྱབས། རོང་ཆུང་རས་པ་གསུམ་མཁའ་སྤྱོད་དུ་བཞུད་ཅིང༌། ལྕམ་མོ་བི་ཏ། མཛེས་སེ། ཆོས་ཀྱི་བྱང་ཆུབ། འབྲིང་མཚམས་མ་སྤ་ཚབ་གཟའ་རྣམས་ཀྱང་མཁའ་སྤྱོད་དུ་བཞུད་དོ། །