[A:461]ཧི་པ་ཞེས་ཟེར་རོ། །བདག་གི་བླ་མ་པཎ་ཆེན་གྱི་ཞལ་སྔ་ནས། དེས་མཛད་པའི་རྫོགས་པའི་
རིམ་པའི་ཡི་གེ་ཚིགས་སུ་བཅད་པ་བཅོ་བརྒྱད་པའི་རྒྱ་དཔེར་ལཱུ་ཡི་ཞེས་པ་སྣང་བས་འདི་ཁོ་ན་དག་པ་ཡིན་
གསུང་ངོ༌། །ལཱུ་ཡི་པས་རྒྱལ་པོ་དཱ་རི་ཀཱ་པ་དང༌། བློན་པོ་ཌངྒི་པ་ལ་བཤད། དེས་རྡོ་རྗེ་དྲིལ་བུ་བ་ལ་བཤད། དེས་རུ་སྦལ་ཞབས་ཅན་ལ། དེས་ཛ་ལནྡྷ་ར་པ་ལ། དེས་ནག་པོ་སྤྱོད་པ་བ་ལ། དེས་རྣམ་རྒྱལ་ཞབས་ལ། དེས་ཏིལླི་པ་ལ། དེས་ནཱ་རོ་པ་ལ་བཤད་དོ། །དེ་ཡན་ཆད་ཀྱི་རྣམ་པར་ཐར་པ་རྣམས་ནི་
ཤིན་ཏུ་མང་བ་སྣང་བས་མཐོང་བར་སླ་བའི་ཕྱིར་མ་བྲིས་ལ།
ན་རོ་པ་ནི་བི་ཀྲ་མ་ཤཱི་ལའི་བྱང་ཕྱོགས་ཀྱི་སྒོ་བསྲུངས་པ་ཡིན། དེ་ལ་སློབ་དཔོན་ཤཱནྟི་བ་དང༌། རྗེ་བཙུན་མཻ་ཏྲི་བས་ཀྱང་གསན། ཤཱནྟི་བ་ལ་ནི་ཇོ་བོ་རྗེ་ལྷ་གཅིག་གིས་གསན་པ་ཡིན་ཏེ། ཇོ་བོས་ནི་མངའ་རིས་སུ་ལོ་ཆེན་དཔོན་སློབ་ལ་གསུངས་ཤིང༌། གཙང་རོང་གི་འགར་དགེ་བ་ལ་
ཡང་གསུངས་ཏེ། དེ་ཡང་ལྷ་སྦས་ཀྱི་འགྲེལ་བའི་སྟེང་ནས་གསུངས་པ་ཡིན་ཞེས་གྲགས་སོ། །
ཡང་དབུས་སུ་ནག་ཚོ་ལོ་ཙཱ་པ་དང༌། ཁམས་པ་བགྲེས་པོ་ཞིག་ལ་ཡང་གདམས་པ་
རྣམས་གསུངས་སོ། །
ཡང་བལ་པོ་ཕམ་མཐིང་ཞེས་ཀྱང་གྲགས་ཨ་དེས་པ་ཆེན་པོ་ཞེས་ཀྱང་ཟེར་བ་དེ་ལ། གཅེན་པོ་
དྷརྨ་མ་ཏི། གཅུང་པོ་དུས་འཁོར་བ་དང༌། ཐང་ཆུང་བ་གཉིས་ཏེ་སྐུ་མཆེད་བཞི་ཡོད་པ་ལ། དྷརྨ་མ་ཏིས་ནཱ་རོ་པའི་