[A:453]རྡོ་རྗེ་བླ་མ། དེས་རང་གི་སྲས་གཉོས་དཔལ་ལེ། དེས་རང་གི་སྲས་གཉོས་གྲགས་པ་དཔལ། དེས་རང་གི་སྲས་རྡོ་རྗེ་གཟི་བརྗིད་དམ་སངས་རྒྱས་རས་ཆེན་རྒྱལ་བ་ལྷ་ནང་པར་གྲགས་པ་དེ་ལ་བཤད། དེས་རྩ་རྒྱུད་ཀྱི་ཊཱི་ཀ་ཡང་བརྩམས། ལྷོ་བྲག་དང༌། སྐྱི་ཤོད། ལྷ་ནང་ལ་སོགས་པ་རྣམས་སུ་མང་དུ་བཤད་ཅིང༌། བྱེ་བྲག་ཏུ་ལྷ་རིན་ཆེན་རྒྱལ་པོ་དང་
གཙང་དགེ་བྲག་པ་ཚུལ་ཁྲིམས་གཞོན་ནུ་གཉིས་ལ་གསུངས།
དེ་གཉིས་ཀ་ལ་མཁས་པ་བྱང་ཆུབ་དར་གྱིས་གསན། དེས་གཟི་བརྗིད་རྒྱལ་པོ་ལ་གསུངས། དེས་བླ་མ་མགོན་པོ་རིན་ཆེན། དེས་སྙན་སྟོན་ཀུན་དགའ་དར། དེས་བླ་མ་རི་པ་ཤཱཀྱ་བཟང་པོ། དེས་གཉོས་རྡོ་རྗེ་བླ་མ་ཞེས་བྱ་བ་གཉོས་ལོ་ཙཱ་བའི་གདུང་བརྒྱུད་དུ་འཁྲུངས་ནས། ཆུང་ངུ་ལ་རབ་ཏུ་བྱུང་ཞིང་ཚུལ་ཁྲིམས་ཕུན་སུམ་ཚོགས་པ་མཛད་པས་ཡེ་ཤེས་ཞབས་ལུགས་ལ་མཁས་པར་གྱུར་པ་དེ་ལ། བདག་གི་ཡེ་ཤེས་ཞབས་ལུགས་ཀྱི་དབང་འཇམ་རྡོར་དང་
འཇིག་རྟེན་དབང་ཕྱུག་གཉིས་དང༌། རྒྱུད་ཀྱི་བཤད་པ། ཞལ་ལུང་ལ་སོགས་པའི་མན་ངག་རགས་པ་ཕལ་ཆེ་བ་ཐོབ་པ་ཡིན་ནོ།
།འདིའི་དབང་གི་བརྒྱུད་པ་གཞན་ནི། འཇམ་དབྱངས། ཡེ་ཤེས་ཞབས། མར་མེ་མཛད་བཟང་པོ། ཀུན་དགའ་སྙིང་པོ། ཐ་ག་པ། ཤཱནྚི་པ། ཤྲིདྡྷཱ་ཀ་ར། པདྨཱ་ཀ་ར། དེ་གཉིས་ལ་ལོ་ཆེན་རིན་ཆེན་བཟང་པོ། རྐྱང་པོ་ཆོས་བློ། དགེ་བཤེས་སྐྱབས་སེ། རྡོ་རྗེ་སྲ་བརྟན། དཀོན་མཆོག་འབར། དགེ་བཤེས་དབང་