[A:452]རྣམས་མང་དུ་བཤད། སྔོན་གྱི་སློབ་དཔོན་སངས་རྒྱས་གསང་བ་དང་
སངས་རྒྱས་ཞི་བ་གཉིས་ཀྱང་ཡེ་ཤེས་ཞབས་ཀྱི་དངོས་ཀྱི་སློབ་མ་ཡིན་ལ་དེ་གཉིས་ཀྱིས་མཛད་ཅིང་འགྱུར་བའི་ཆོས་རྣམས་ཀྱང་ཡེ་ཤེས་ཞབས་ཀྱི་ལུགས་སོ།
།བར་དུ་པནྚི་ཏ་སུ་ན་ཡ་ཤྲཱི་དང་གཉན་ལོ་ཙཱ་བ་ཀྱང་བོད་དུ་ཡེ་ཤེས་ཞབས་ལུགས་མང་དུ་བཤད་ཅིང༌། གཉན་གྱི་སློབ་མ་སྣང་ཁའུ་བ་ནས་ཀྱང་མང་དུ་འཕེལ་ལོ། །
ཡང་ལོ་ཙཱ་བ་གཉོས་འབྱུང་བོས་རྒྱ་གར་དུ་བྱོན་ནས། དཔལ་ནཱ་རོ་པ་དང་དུས་མཚུངས་པའི་
བ་ལི་ཨཱ་ཙརྻ་ཞེས་ཀྱང་བྱ། ནག་པོ་ཞབས་ཆུང་བ་ཞེས་ཀྱང་བྱ་བ་དེ་ལ་ཡེ་ཤེས་ཞབས་ལུགས་རྣམས་
ལེགས་པར་བསླབས།
དེའི་སྔར་གྱི་བརྒྱུད་པའི་རིམ་པ་ནི། འཇམ་པའི་རྡོ་རྗེ། སློབ་དཔོན་སངས་རྒྱས་ཡེ་ཤེས་ཞབས། མར་མེ་མཛད་བཟང་པོ། འཇམ་དཔལ་གྲགས་པའི་བཤེས་གཉེན། རྟ་རྫི་པ་དཔལ་བདེ་བ་ཆེན་པོའམ་མཚན་གྱི་རྣམ་གྲངས་ཀ་མ་ལ་ཀུ་ལི་ཤ་དང་ཡན་ལག་མེད་པའི་རྡོ་རྗེ། སློབ་དཔོན་ཡི་གེ་པ། འདི་ནི་རྒྱལ་པོ་ཤྲཱི་དྷརྨ་པཱ་ལའི་ཡིག་མཁན། ཤ་བ་ར་པས་བྱིན་གྱིས་བརླབས་པ་ལས་མཆོག་གི་དངོས་གྲུབ་བརྙེས་ནས། སྔར་གྱི་རྒྱལ་པོའི་བླ་མར་
གྱུར་པའོ།
།སློབ་དཔོན་ཀརྞ་པ་སྟེ་རབ་ཏུ་བྱུང་བའི་མཚན་ཙནྡ་ནི་པྲ་བྷ་ཝ། དབང་བསྐུར་བའི་མིང་རཏྣ་བཛྲེ། འདི་ཡང་དངོས་གྲུབ་བརྙེས་པ་ཡིན། ཛྙ་ན་ཤྲཱི་མི་ཏྲ་ནི་བི་ཀྲ་མ་ཤྲཱི་ལའི་དབུས་ཀྱི་ཀ་ཆེན་ནོ། །དེས་བ་ལིན་ཨཱ་ཙརྻ་ལ་བཤད་ཅེས་འབྱུང་ངོ༌། །གཉོས་འབྱུང་པོས་རང་གི་སྲས་