[A:433]བཞུད། གཉལ་གྱིས་རྩེ་མོ་ཚར་གཅིག་བཤད། ཕྱིས་ཁ་ཆེ་ཛྙཱ་ན་ཤྲཱི་བོད་དུ་བྱོན་ནས་
ཆོས་འཁོར་ཏ་བོར་བཞུགས་པ་ལ། ལོ་གསུམ་ན་པནྚི་ཏ་བོད་སྐད་བྱང་བར་གྱུར་པས། དེ་ལ་ལོ་བདུན་གྱི་བར་དུ་ལེགས་པར་མཉན།
མང་ནང་པ་ལ་ཀུན་སྙིང་གི་ལུགས་རྣམས་ཀྱང་ཞུས། སྐྱི་ནོར་ཛྙཱ་ན་ལ་ཇོ་བོའི་ལུགས་ཀྱི་
སྦྱོང་རྒྱུད་ལེགས་པར་ཞུས། ཕྱིས་ཟངས་དཀར་གྱིས་རྩེ་མོ་ལ་ལ་ཊཱི་ཀ་ཡང་མཛད། པནྚི་ཏ་ཐུགས་རྗེ་ཆེན་པོ་དང་ཟངས་དཀར་གྱིས་སྨད་འགྲེལ་དུམ་བུ་གསུམ་ཡང་མྱང་རོར་རྫོགས་པར་བསྒྱུར།
གཉལ་པ་ཉི་མ་ཤེས་རབ། མར་པ་རྡོར་ཡེས། གཉན་སྟོན་ཚུལ་འབར། སྤྱང་ཚང་པ་སེང་གེ་རྒྱལ་མཚན་བཞི་ལ་ཟངས་དཀར་གྱི་བུ་བཞི་ཟེར་ཏེ། སྤྱིར་ཟངས་དཀར་
གྱིས་རྣལ་འབྱོར་ཕྱི་ནང་གི་བཤད་པ་མང་པོ་དང༌། བྱེ་བྲག་ཏུ་རྣལ་འབྱོར་གྱི་རྒྱུད་ལ་
ཤིན་ཏུ་བཀའ་དྲིན་ཆེའོ།
།སུམ་སྟོན་ཡེ་འབར་ལ་གཉན་སྟོན་ཚུལ་འབར་དང༌། མྱང་སྟོད་གཙང་པོའི་
རྒྱ་མོང་ཆོས་གྲགས་དང༌། སྟག་ཚལ་གདོང་སྟོན་པ་སྦུ་སྟོན་འབར་ཐོག་དང༌། ཁམས་པ་ཤེས་རབ་རྡོ་རྗེ་ལ་སོགས་པ་བྱུང་ངོ༌།
།དགེ་བཤེས་གཉལ་པའི་སློབ་མ་སྣུར་ཉི་མ་འོད་ཟེར། དེ་ལ་གླན་ཆོས་འབྱུང༌། རྩ་སྐྱ་དཀོན་མཆོག་གྲགས། དམར་ཆོས་རྒྱལ། སྒངས་སྟོན་ཤེར་འབུམ་སྟེ་བཞི་བྱུང༌། ཁོང་གི་སྲས་རྡོ་རྗེ་སེང་གེས་ཡོ་གའི་ཡིག་སྣ་མང་དུ་མཛད། ཆོས་རྗེ་རྒྱལ་སྲས་རིན་པོ་ཆེས་
ཁམས་གསུམ་རྣམ་རྒྱལ་གྱི་དབང་གསན་པའི་སྣུར་ཆོས་འཕགས་ཞེས་བྱ་བ་དེ་ཡང་འདི་པའི་བརྒྱུད་པའོ།
།སྣུར་ཡེ་ཤེས་རྒྱལ་མཚན་གྱི་སྲས་ཆོས་རྒྱལ་ལ་ཀུན་མཁྱེན་