[A:༤༢༠]རྒྱལ་ཚའི་སློབ་མ་དོན་ཞགས་པར་བརྟག་པ་ཞུས་པར་འཕགས་པ་ཝ་ཏི་ལ་གསོལ་བ་ཐོབ་ཅེས་གསུངས་པ་ལྟར་བཏབ་པས་ལོ་ཙཱ་བའི་མནལ་ལམ་དུ་ཨཱ་ཙརྻ་དུང་སོ་ཡོད་པ་ཞིག་གིས་དུང་སེང༌། བྱང་ཆུབ་ཤིང་གི་ལོ་མ་ལ་པཎྜི་ཏ་བྱའི་གདོང་པ་ཅན་དང་ཤེལ་གྱི་མེ་ལོང་ལ་པཎྜི་ཏ་ཤིན་ཏུ་མཛེས་པའི་གཟུགས། མི་གཟུགས་དཀར་པོ་རྣམས་གཏད་བྱུང་བ་སོ་སོའི་རྒྱབ་ཏུ་རྒྱ་ཡིག་ཡོད་པ་དེ་སྐབས་མ་མཁྱེན་ཀྱང་སེང་གེ་ལོ་ཙཱ་བ། མི་དཀར་མི་ཏྲ་ཛོ་ཀི །མེ་ལོང་བུདྡྷ་ཤྲཱི། ཤིང་ལོ་ཁ་ཆེ་པཎ་ཆེན་དུ་འདུག་པ་བཞིན་བལ་ཡུལ་དང་རྒྱ་གར་རྣམས་སུ་བྱོན་ནས་པཎ་གྲུབ་སྔོན་མ་གཉིས་སྤྱན་དྲངས་པའི་རྗེས་སུ། རྒྱ་རྩིས་པའི་ཤིང་ཕོ་བྱི་བ་མཆུ་ཟླ་བའི་ཚེས་བདུན་ལ་གདན་འདྲེན་པའི་ཆེད་ལམ་དུ་ཞུགས། རྒྱང་རོ་གོང་ཆུང་གི་དགེ་བཤེས་རྒྱ་བླ་མ་ན་རེ་པཎ་ཆེན་སྤྱན་འདྲེན་པ་ལ་ཅུམ་ཅུམ་དང་ཞུམ་ཞུམ་བྱས་པས་མི་ཡོང་འུད་ཐག་གིས་སོང་གསུང་བ་བཞིན་གྲོ་མོར་བྱོན་པཎ་ཆེན་ཕེབས་ལམ་ནོར་བའི་ཆོམ་རྐུན་དུག་སྦྲུལ་གཅན་གཟན་སོགས་ཀྱི་འཇིགས་པ་ཡོད་པའི་ལམ་དུ་བྱོན་ཀྱང་ཅི་ཡང་མ་ཉེས་པར་བཻ་ཌཱུརྻའི་ཚོང་འདུས་སུ་བྱོན། ལོ་ཙཱ་བས་རྒྱ་ཡིག་བྲིས་པའི་ཞུ་ཡིག་གསེར་གྱི་ཤེར་སྙིང་དང་གསེར་སྲང་ལྔ་སོགས་ཀྱི་རྟེན་བཟང་པོ་དང་བཅས་པཎྜི་ཏ་ཛ་ཡ་ཤྲཱི་དང་ཝཱ་ར་ཎཱ་སི་གཉིས། ཇོ་སྲས་ཉི་མ་དང་ཁམས་པ་བྱང་གྲགས་གཉིས་ཕོ་ཉར་བཏང༌། གདན་འདྲེན་པ་འོང་བར་མཁྱེན་ནས་ལ་དྲུང་བྱོན་ཀྱང་མ་བྱུང་བས་ཕྱིར་ལྡོག་པར་བརྩམས་པ་ན་བང་ཆེན་རྣམས་སླེབས། པཎ་ཆུང་རྣམས་ལ་ཇི་ལྟར་བྱེད་དྲི་བ་མཛད་པས་ངེད་ཀྱིས་མི་ཤེས་ཆོས་རྗེ་ཉིད་ཀྱིས་མཁྱེན་གསོལ་བ་ལ་བརྟེན་མཚམས་མཛད་ནས་སྒྲོལ་མ་ལ་གསོལ་བ་བཏབ། དེའི་དུས་རྒྱ་གར་ཤར་