[A:༦༢༡]བཙུན་རྡོ་རིང་པ་གསུམ་གྱི་རྣམ་ཐར། རྗེ་ཉིད་ཀྱིས་དབུས་ལ་ཕེབས་པའི་ལམ་ཡིག་སོགས་ལོ་རྒྱུས་ཀྱི་སྐོར། ཀྱེ་རྡོར་མན་ངག་ལུགས་དང་འཇིགས་བྱེད་རྭ་ལུགས་ཀྱི་སྒྲུབ་མཆོད་ཀྱི་ལྷན་ཐབས། ཀྱེ་རྡོ་རྗེ་ཕྱྀ་ནང་གི་བསྐྱེད་རིམ་རྣམ་བཤད་ངོ་མཚར་བ། མགོན་པོའི་ཁོག་ཕུག་སྙན་བརྒྱུད་རིན་ཅེན་ལྡེ་མིག །ཕྱི་ནང་གི་འཁྲིད་ཁའུ་བྲག་རྫོང་པའི་རྒྱུན་གྱི་ཉམས་ལེན་ཞལ་ཤེས་ཀྱི་སྐོར། གཏོར་ཆོག་ཆེན་མོ། གཏོར་བཟློག་དགྲ་བགེགས་ཀྱི་སྟོབས་འཕྲོག་རོལ་པ། གཏོར་མ་གསུམ་གྱི་ཞལ་ཤེས། ཟུངས་འཛུགས། ཐུག་ཆོག་ལ་སོགས་པ་མེད་དུ་མི་རུང་བའི་ཆོས་སྐོར། སྙིང་ཆུ་བསྲེ་བ། དྲི་བ་ལྷག་བསམ་རབ་དཀར། མགོན་པོ་ཁྲོ་བཅུ་དང༌། ཞལ་བཞི་པ། ཕྱག་དྲུག་པ། མགོན་དཀར་བཞིའི་རྗེས་གནང༌། ཞལ་སྒྲུབ་དུས་ཀྱི་རྗེས་གནང་ལྷན་ཐབས་ཞལ་གྱི་གསང་འཁྲིད། ཚེ་སྒྲུབ་སྲུང་འཁོར། གུར་མགོན་གྱི་བསྐང་གསོའི་ལྷན་ཐབས། པུ་ཏྲའི་སྒོས་བསྐང༌། བེག་རྩེའི་ལས་བྱང༌། མེ་འབར་ཁ་སྐོང༌། སྙན་བརྒྱུད། གྱི་ལྗང༌། དུད་སོལ། ཞལ་བཞི་པ། དམར་པོ་སྐོར་གསུམ་སོགས་ཀྱི་དཀར་ཆག །མགོན་པོ་ཆེ་ཆུང་ལས་མཁན་དང་བཅས་པའི་སྐོར་ལ་ཆོས་སྣ་བཞི་བཅུ་ལྷག་ཙམ་ཡོད། ཇ་མཆོད། གསུང་མགུར། ཆབ་ཤོག །སྒྲོལ་དཀར་ཚེ་འཁྲིད་ཟླ་བའི་ཆུ་རྒྱུན་སོགས་ཡོད་ལ། ཁྱབ་བདག་བཀའ་འགྱུར་བ་ཆེན་པོས་གསུང་འབུམ་པོད་གསུམ་མ་ཞིག་བཞེང་པ་གནང་འདུག་པ་ད་དུང་མ་འདུས་པ་ཁ་ཤས་ཡོད་པར་མངོན། དེ་དག་ཀྱང་ལེགས་པར་བཤད་པ་ཁོ་ན་མ་གཏོགས་རྩོམ་རྙིང་བརྐུས་པ། དོན་མེད་དོན་ལོག་སོགས་སྣག་ཤོག་གི་གྲོན་དུ་འགྲོ་བ་ཅི་ཡང་མ་མཆིས། ཞལ་སློབ་མཁས་པ་རྣམས་ཀྱིས་གསུང་རྒྱུན་ཟིན་བྲིས་སུ་བཀོད་པའི་རིགས་དོན་གྱིས་རྗེ་བླ་མའི་