[A:༦༠༦]པ་དང་བཅས་གདན་དྲངས་རྙེད་བཀུར་གྱ་ནོམ་པ་བསྟབས། དཔལ་ཕུག་རྣམ་པར་གྲོལ་བའི་རི་ཁྲོད་དུ་ཟླ་བ་བདུན་ཙམ་གྱི་རིང་རྗེ་འདི་ཉིད་ཀྱིས་ཀུན་མཁྱེན་མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། སྔགས་འཆང་བསོད་ནམས་ཆོས་འཕེལ་སོགས་དཔོན་སློབ་བཅོ་བརྒྱད་ཙམ་ལ་གསུང་ངག་སློབ་བཤད་ཤིན་ཏུ་སྨིན་པ་གནང༌། སྔར་མཁྱེན་བརྩེའི་མནལ་ལྟས་ལ་དཔལ་ཕུག་ཏུ་ཕ་བླ་མས་གསུང་ངག་བསྐྱར་ནས་གནང་རྒྱུའི་སྐོར་ཀྱང་འདིའི་ལུང་བསྟན་དུ་མཆིས། ལམ་འབྲས་ཀྱི་མཇུག་ཏུ་དམར་པོ་སྐོར་གསུམ་མགོན་པོ་ཆེ་ཆུང་སོགས་ཀྱི་རྗེས་གནང་ལུང་འཁྲིད་ཡང་བསྐྱར་དང་ཤངས་པ་དུ་གུ་པའི་གསེར་ཆོས་ཀྱི་ཕྱེད་ཙམ་གནང༌། ཆོས་རྣམས་གེགས་མེད་དུ་གྲུབ་པའི་གཏང་རག་ཡང་སྟེང་དུ་མཛད་པའི་ཚེ་མདུན་གྱི་ནམ་མཁའ་སྤྲིན་དུ་མ་ཆད་ཅིག་གི་སྟེང་ན་མགོན་པོ་ཐོག་ཚད་ཙམ་གྱི་ཞལ་ནས་ཧ་ཧ་དང་ཧཱུྃ་ཧཱུྃ་གི་སྒྲ་ལ་ཆོས་འདིའི་བདག་པོ་སྔར་ཡང་ང་རང་གིས་བྱས་ད་དུང་ཡང་ང་རང་གིས་བྱེད་ཟེར་བ་གསལ་བར་གསན། རྗེ་ཉིད་ཟབ་བུར་ཕེབས་པའི་ལམ་ཞོར་དུ་རྗེ་མཁྱེན་བརྩེས་འོ་ཡུག་ཏུ་གདན་དྲངས་ནས་སྲི་ཞུ་རྒྱ་ཆེར་མཛད། མྱུག་ཏུ་ཤངས་ཆོས་ཀྱི་འཕྲོ་དང་སྒྲུབ་ཐབས་རྒྱ་མཚོ་རྒྱལ་ཁང་དུ་སྒྲོལ་དཀར་གྱི་ཚེ་འཁྲིད་སོགས་ཐུགས་སྲས་མཁྱེན་བརྩེའི་བཞེད་པ་བཀང་ནས་སྟོད་དུ་ཕེབས། ས་རྟའི་དབྱར་ཡབ་ཚན་འཕན་ཡུལ་ཨྱོན་གཞིས་ཀ་བས་གདན་དྲངས་ཏེ་ཕེབས། ལམ་ཞོར་ངུར་སྨྲིག་གི་གཙུག་ལག་ཁང་དུ་རྗེ་བཙུན་སྒྲོལ་མ་མཇལ་བ་གནང་སྟེ་དེར་བཞུགས་སྐབས་དག་སྣང་ལ་བུད་མེད་མང་པོ་རྟེན་མཇལ་གྱིན་འདུག་པའི་ཁྲོད་ན་མིག་གསུམ་ཡོད་པའི་བུད་མེད་ཅིག་གཟིགས་གསུང་པ་