[A:50a-289] / /gsung/ rje nyid kyis bzhes pa'ang cung zud bsnyab dka' tsam byung ba dang/ rin pa che rab 'byor ba'i dbu zhwa'i mdun gyi nogs dum tsam 'dug pa gnyis/ phyis zhabs tog 'tshol dka' ba/ de'i rten 'brel du 'dug ces yang yang bka' phebs/ tshogs pa'i gdan 'dren pa rnams la'ang/ da de khyed tshos rdzub rdzub/ yang na/ snub snub ji tsam byas gzhan 'dra ba 'dug/ tshogs pa ci rigs kyi byed pa la brdeb mdzad dka' tsam yod tshod du 'dug pas sbyin bdag gnyis po dang 'gal med cig ma byung gi bar la/ nged kyis 'gro ba de ka byed pas/ khyed rang rnams kyang de ka'i rtsis dngas/ nye gnas rang yang 'gro grabs kyi sta gon byed pa la legs phebs/ de nas mi dbang lha dbang kun dga' khu dbon dpon blon gyis/ skyes bu dam pa 'di nyid phyogs gzhan la thegs pa mi rigs na'ang/ thegs sgo de bzhin shar phyin zhabs mi 'degs kha med yin gsung/ dpon blon rnams kyis chibs drel sogs shom bsgrig gang la gang 'os dang/ 'bul nod kyang rgya che bar mdzad do/ /
de nas pho brang chen po sne'u gdong rtser gong ma chos kyi rgyal po ngag gi dbang phyug bkra shis grags pa rgyal mtshan dpal bzang po'i drung du bskon 'ja' zhu ba la rim par bteg/rgyal grub gling dang skyid shongs sogs rgyud dol mda'