[A:47a-283] / /'jug mi dgos pas/ zhabs tog tu 'gyur rung mi 'gyur rung bgyis lags shing/ bdag lta bus 'gos che ba 'di 'dra'i zhabs tog mi 'grub pas 'os pa dag la bka' drin gyis bskyang dgos zhus kyang/ bka' ma zlog par zhal gyis bzhes/ tshogs sde nas dka' bzhi 'dzin pa dpon slob sku tshab tu bskos/ cho sde chen por phebs pa'i dga' ston gyi nyin/ nam mkha' las 'ja' tshon kha dog sna tshogs 'dus pa dang/ khyad par rje nyid kyi dbu thog tu 'ja' dkar po mdung tshugs su zug pa kun ngo mtshar zhing/ thams cad mkhyen pa'i phrin las kyi sgo 'phar rab tu rgyas par 'gyur bar nges shes smon pa'i gnas su gyur/ phyis rje nyid rang ni/ nged rang thams cad mkhyen pa'i phrin las kyi sgo la phan pa yong snyam na'ang/ sa skya pa'i tshul bzung nas/ dpal ldan dwags po bka' brgyud pa'i skyes bu dam pa chen po rnams la chos kyi skyes re tsam phul bas/ de nyid thams cad mkhyen pa'i thugs dgongs rdzogs pa'i zhabs tog tu 'gyur ba 'dra bsam pa'ang byung/ nga lnga pa shing mo glang lo shar ba'i dus mnal lam du/ tshogs pa'i dung sgam me ser gyi mchod shoms khar bzhag pa sogs gdan sa la phebs dgos pa'i mtshan ltas ngo mtshar ba byung/ dus der tshogs pa la stod byang na bzhugs