[A:46a-281] / /po ti gnyis/ rje btsun grags pa'i po ti gsum/ rje sa paN gyi po ti gsum/ 'phags pa rin po che'i po ti bzhi ste/ gnyis gnyis gsum gsum bzhi rnams gleg bam grangs/ shes pa ltar gyi dkar chag las ji ltar 'byung ba bzhin ma tshang ba med par gsan te/ blo chen bdud bzhi'i g.yul las rnam rgyal zhing/ /ma lus dkyil 'khor kun gyi mgon po mchog/ /dri med mdo rgyud bstan bcos man ngag gi/ /sde snod glegs bam gcig gyur de la 'dud/ /ces pas bstod do/ /slar yang grum bu lungs su chos rje nam mkha' chos bzang pa la/ lho brag phyag rdor ba la rje btsun sgrol mas dngos su gnang ba'i sgrol dkar gyi tshe sgrub las tshogs dang bcas pa/ mgon po traka shad thwa na mu kha'i rjes gnang/ nag po gcer bu'i rgyud le'u bco lnga pa/ traka shad kyi mngon rtogs rjes gnang/ nyer mkho'i las tshogs yig sna dang bcas pa 'bri phyug pa sngags 'chang rin chen 'bum gyis mdza dpa dang/ las byang rgyas pa slob dpon rdo rje bla mas mdzad pa/ 'jam dbyangs nag po'i lung rjes gnang dang bcas pa gsan nas/ mkhyen brtse'i nam mkha'i khyon ltar rab yangs shing/ /gdul bya dam chos bzang po'i lam khrid nas/ /kun mkhyen rin chen gling du skyel mdzad pa/ /bla ma de la kun nas dang bas 'dud/ /ces pas kyang bstod/ dus der/ smyug la paN chen ngag gi dbang po'i drung du thegs te/ bka' gdams lha chos bdun ldan gyi chos skor las/ smin byed dbang gi skor la/ thig le