[A:45a-279] / /brgyad mo brgyad kyis bskor ba lha bcu bdun ma/ legs ldan zangs gri can zhes kyang grags pa'i dbang/ gur gyi mgon po lha bcu gsum gyi rjes gnang/ gnyan mgon zhal bzhi pa lcam dral lnga'i rjes gnang la sogs pa zab pa dang rgya che ba'i chos bsams gyis mi khyab pa gsan nas/
rgyal ba kun gyi bgrod pa cig pa'i nye lam mchog gyur smin grol lam/
rab tu dga' sogs grub pa'i sa brnyes rnal 'byor dbang phyug birU pa'i/ /
gsung bzhin legs par phye nas ston mdzad dpal ldan bla ma dam pa ni/ /
dus gsum rgyal ba'i yon tan gcig tu bsdus pa dpal 'byor bzang po de la 'dud/ /
ces pa la sogs rmad du byung ba'i bstod pa'i tshogs kyang mang du mdzad do/ /
mdo sngags paN chen chos kyi rgyal mtshan kyi drung du/ rdo rje phreng ba rgyud sde so so'i phyag len gyi go rims bzhin dbang bskur ba'i cho ga dge mo rin po che bsod nams rgyal mtshan pa'i yig cha'i stengs nas rdo rje phreng ba'i skor yongs su rdzogs pa dang/ sgrub thabs brgya rtsa'i rjes gnang thams cad mkhyen pas mdzad pa'i yig cha'i steng nas yongs su rdzogs par gsan zhing/ gzhan yang tshe dpag med lha dgu'i dbang/ las gshen gyi rjes gnang/ rdo rje nag po chen po gur lha brgyad kyi rjes gnang/ lam 'bras rdo rje'i tshig rkang gi bshad pa rje sa paN gyi gsung ma/ dmar chos kyi rgyal pos zin bris