[A:38b-266] me tog kha dog lnga pa'i char bab cing/ dri bzangs kyi rgyun dang/ lha'i rol mo'i sgra sgrog pa la sogs pa ngo mtshar ba'i ltas bsam gyi mi khyab pa dang bcas te mkhan chen rin po che chos dbang pa dgongs pa chos kyi dbyings su thim/ de nas gzung ste gdung mchod ma grol gyi bar du sngar gyi ngo mtshar ba'i ltas de dag dang/ khyad par gdung gang du bzhugs pa'i thog tu phyogs thams cad nas 'ja' kha dog lnga pa mdung tshugs su zug pas/ de'i tshe ta'i situ chos kyi rgyal po'i bka' las/ sngon bdag nyid chen po sa paN la ltas khyad par can 'di lta bu byung yin nam zhes rna bar grags/ mig gi mngon sum du gyur pa ni 'di kho na'o zhes mnga' 'bangs su gtogs pa dang bcas pa mtha' dag gis bstod cing mngags te thar pa'i sa bon du gyur/ de nas dgongs pa bskang ba'i mchod 'bul sogs legs par grub nas/ lo de nyid la/ 'khrul zhig chen po rin chen bzang po khri thog tu phebs pa nas/ chos sde chen po ngam rings kyi bla ma slob dpon mkhas grub kyi skyes chen dam pa 'dus pa rgya mtsho'i tshogs dang/ gzhan yang gsang sngags kyi sgor zhugs pa'i rnal 'byor pa mchog dman bar ma skal ba mchog tu gyur ba'i tshogs la drang ba dang nges pa'i don las brtsis pa'i chos kyi 'khor lo bskor ba'i spyan tshab mdzad de/ rje de'i drung du zab pa dang rgya che ba'i gsung gi gdams pa