[A:33a-255]tshogs la srid bzhin rab tu zhi la mos/ /ri dwags lta bur 'jigs shing gnas med rgyu/ /
mkha' la rlung bzhin rnyed la ma chags pa/ /de 'dra de ni rgyal ba'i chos 'dzin yin/ /
zhes gsungs pa ltar 'jig rten las 'dres pa'i bya ba sna tshogs pa la 'jug pa ni snying po med pa ste/ da rang re gnyis/ skyes bu dam pa gang na bzhugs pa rnams la 'brel ba re tsam 'dogs/ nges med kyi gnas gang bzang 'grims te/ tshe 'di blos btang mi khyu nas bud pa'i chos cig rang byed pa yiin no gsung zhing/ de mthun dus phyis bla ma glo bor grags pa/ dang por glo bor chos sder rab tu byung zhing mdo sngags phyogs go tsam mdzad de/ gsang sngags kyi spyod pa la zhugs pa'i rtogs ldan tshe blos thongs shing dgos med rgyud la skyes nges shes pa'i rtogs ldan/ gnas nges med dur khrod/ shing drung lung stong brag phug/gnas gog/ rgyal po'i pho brang gi sgo drung/ 'du 'tshog gi sa/ ri sul sogs 'dir 'dug dang 'di 'gro'i rig gtad med/ zas mi rta khyi gsum sogs sha'i rigs su gyur pa thams cad dang / khyad par phung po zas 'grems kyi dus su klad pa rkang mar sogs zhim zhaddang bcas te gsol/ ro gos mdze sprang sogs gang byung gi gos la bem po bzos pa'i bem po cig du gyon/ longs