[A:73a-335]/ /bzang po la rgyal chen gling gi nor sbyin phyogs kyi bza' shing ra bar/ mi dbang chen po yab yum sras bcas dang/ mkhan chen rin po che'i drung dpon slob kyang phebs pa'i thog ma'i dga' ston/ phyi nang med par rnyed bkur gyi gya nom pas mchod cing/ de'i tshe rnal 'byor dge legs dbang phyug pa'i paN chen dus mchod thug pas/ dpon blon byin du gsol ja bur ston/ 'bul nod/ drung skor rnams la'ang ka dan kha re sogs legs tshogs zhus te/ de nas lhun grub gling du yab yum sras dang bcas lhan sar thegs te bzhugs so/ /rje btsun 'di nyid dgung lo drug bcu rtsa cig lcags mo lug gi lo/ bde chen yangs pa can nas thams cad mkhyen pa chen po spyan snga rin po che'i zhabs drung dbyar ka rgyud de 'phyong rgyas srong btsan du phebs pa'i mod nas/ dpal ldan bla ma dam pa 'di nyid sangs rgyas kyi bstan pa 'dzin pa kun gyi spyi bo'i cod pan du dgongs te/ mchod yon thams cad nas chos kyi skyes bzang po rtsol ba'i ched du spyan 'dren par bsngags pa bzhin/ yar rgyab nas zhal ngo rnams kyis kyang de ji lta ba bzhin gsol ba btab/ chibs kha lo bsgyur ba'i mthun rkyen rnams kyang legs par sbyar te/ spyan snga rin po che'i zhal snga nas kyi dgongs pa dang 'byor ba'i ched du rims par btegs pa'i/ phebs ma thag gza' skar dus sbyor bzang po dang bstun/ thog ma kho nar/ dus kyi 'khor lo bsdus pa'i rgyud le'u