[A:68a-325] / /nas/ mtshoms tshoms chen du bzhugs gral sgrigs pa'i gsol ja zung 'brel bur ston dang bcas pa'i bar du bzhugs/ de nas dpon blon spo ta lar thegs/ tshogs pa dpon slob nyin re bzhin zhabs bskor/ jo mjal/ mchod 'bul smon lam 'debs pa/ khyad par jo zhal sogs rten ngo mtshar can rnams la zhal gser zhu ba/ snyan dar/ dkar me gtos che ba'i rnam dkar gyi bya ba rlabs po che bsgrubs/ de'i tshe gnyan mkhar nag tsam gyi ri zhig stengs su 'gro ba mang po 'tshogs pa/ mtsho chen po zhig sgrol ba'i ri la gru gzings kyi tshul dang/ rje nyid ded dpon gyi tshul gyis mtsho de las 'gro ba mang po sgrol ba rmis pas/ mi de rnams tshe 'di'i 'brel ba bzhag pa rnams yin pa 'dug dgongs pa byung gsung/ yang skabs shig thams cad mkhyen pa sprul sku rin po che zhwa dmar ba bzhugs gdan la gtso bor phebs pa'i zhabs phyir/ chos rgyal mi dbang chen po dpon blon/ sgar pa'i bla ma rnams pa dpon che chung dang bcas pa/ rje btsun rin po che dpon slob zhal 'dzoms so/ /zhabs drung du dngul gyi maNDal gyis thog drangs 'bul nod dngos gtsang dpangs mtho ba nas/ dge 'dun byin gyis phyag bskor mdzad/ de