[A:60a-309] / /nas bsu ba ser sbrangs phyag khyer dang bcas pa mdzad/ tshogs pa rnam pas/ mi'i dbang po dpon blon drung du/ lha'i dbang po nye dbang gis mngon par mchod pa lta bu'i dga' ston gya nom pa zhus/ de dus bka' las/ rim gro zhu dgos/ sA tsha 'bum gter/ rnam rgyal stong mchod rnams dgos tshul phebs pa la/ rje nyid kyis bka' bkod stsal ba bzhin dge 'dun rnams kyis legs par bsgrubs pas/ ngo mtshar ba las kyang bla lhag tu ngo mtshar ba'i dpal gyis dgyes pa bskyed par gyur to// dpon slob drung gi dga' ston skyes lan du mkha' ru stengs su gnad 'dren zhus/ ston shoms kyi thog tu tshogs nas bka' bcu ba chos bzang rnam rgyal ba dang/ gtsang phug pa ba'i chos mdzad gzhon pa gnyis 'bel gtam la bzhengs/ der dka' bcu bas tshig la rten pa'i 'khor gsum yin zer ba zhig mdzad pas/ mkhan chen thams cad mkhyen pa'i zhabs drung du/ phug pa chos mdzad pas gtugs te shags 'byed zhus pa la/ dka' bcu bas skor lugs 'di dang 'di ltar byas pa na/ tshig la 'gro ba 'dug/ da res ma song/ khyed dge ba'i bshes gnyen chen po rnams kyi 'bel ba'i gtam de lta bu ni/ rang gis rang nyid mngon sum du bslu bar 'dug bka' stsal ba'i tshe