[A:53b-296] de la 'dud / bskyed rim mthar phyin tha mal 'dzin pa bral/ rdzogs rim mthar rin chos kun ba nyam nyid rtogs/ zung 'jug mngon 'gyur drug pa rdo rje 'chang/ rgyal ba kun 'dus bla ma de la 'dud/ dus gsum rgyal ba kun gyis legs gsungs pa'i/ brgyad khri bzhi stong chos kyi sgo phye nas/ lhun grub rgyun mi 'chad pa'i phrin las can/ 'jigs med smra ba'i seng ge de la 'dud/ ces pa la sogs pa'i bstod pa'ang phul/ rje nyid kyang bstod tshogs kyi nang nas 'di kho na la mnyes pa snang/ rin po che las chen pa'ang gsan rgya dpyad pa'i bla ma zhal grangs mang bar yod 'dug kyang/ sku drin che ba'i bla ma'i gtso bor rje 'di nyid rang 'dzin par mdzad do/ zla ba de'i tshes bdun nas don yod zhags pa'i gzungs sgrub gnang/ don zhags lha lnga'i rig gtad/ sman lha sprul sku'i rjes gnang sogs tshogs pa dang chos sde pa byin la gnang/ bcu gsum la bum skor mdzad/ bco lnga'i nyin bdag chen dpon slob blon tshogs pa'i dbus su phebs/ stag rtse nas dbyar zla ba gsum zhal gyis bzhes pa'i dbyar ste 'dus pa rgya mtsho'i tshogs la bsnyen bkur grol ston gya nom pa bstabs te/ bla na med pa'i byang chub tu bsngo bas rgyas 'debs pa mdzad/ bcu drug gi tsha rting ma'i thog rtser bdag