[A:༢༡ན-༢༣༡] རིང་ལུགས་འཛིན་མཛད་ཅིང།
།འཇིགས་མེད་སྤོབས་པས་ལེགས་བཤད་སྟོན་མཁས་པ།
།སྨྲ་བའི་སེང་གེ་བླ་མ་ལ་ཕྱག་འཚལ།
།ཞེས་དང།
མང་དུ་གསན་རྣམས་འཆད་ལ་སྐྱོ་ངལ་སྤངས།
།རིག་པར་ལྡན་པའི་རྒོལ་བས་བརྫི་བ་མེད།
།དོན་བཞིན་རྟོན་སྟོན་པའི་བསྟན་བཅོས་རྩོམ་པར་ནུས།
།མཁས་མཆོག་དེ་ལ་གུས་པས་འདུད་པར་བགྱི།
།ཞེས་སོགས་དང།
ནོར་བཟང་བཞིན་དུ་མཁས་གྲུབ་ཡོངས་འཛིན་ཚོགས།
།གུར་པས་བསྟེན་ལ་དམ་ཆོས་འདུལ་བ་དང།
།ཕ་རོལ་ཕྱིན་ཚུལ་ཆོས་མངོན་རྒྱ་མཚོ་དང།
།སྡེ་བདུན་རིག་པའི་དབང་ཕྱུག་གྱུར་ལ་འདུད།
།དབུ་མའི་ཚུལ་ལ་ཀླུ་སྒྲུབ་ཡབ་སྲས་བཞིན།
།ཐུབ་བསྟན་གསལ་བྱེད་གཞུང་ལུགས་རྒྱ་མཚོ་ལ།
།རང་རང་རྩོམ་པ་པོ་བཞིན་ལེགས་སྟོན་པའི།
།སྨྲ་བའི་སེང་གེ་བླ་མའི་ཞབས་ལ་འདུད།
།ཞེས་དང།
སྡེ་སྣོད་གསུམ་གྱི་ལྷ་ལམ་ཡངས་པ་ལ།
།ཐོས་བསམ་སྒོམ་པའི་དཀྱིལ་འཁོར་རབ་རྒྱས་ཤིང།
།གཞན་ཕན་མཁྱེན་བརྩེའི་འོད་ཟེར་ཕྱོགས་བཅུར་འཕྲོ།
།རབ་འབྱམས་སྨྲ་བའི་ཉི་མ་དེ་ལ་འདུད།
།ཞེས་དང།
ཆོས་དབྱིངས་ཟབ་མོའི་ངང་ལས་མ་གཡོས་ཀྱང།
།རང་གཞན་གྲུབ་མཐའ་རྒྱ་མཚོའི་ཕ་རོལ་སོན།
།ཤཱཀྱ་སེང་གེའི་བསྟན་འཛིན་ཆོས་ཀྱི་རྗེ།
།དཔལ་ལྡན་བླ་མའི་ཞབས་ལ་གུས་ཕྱག་འཚལ།།
maybe from Chos grub seng ge's lost autobiography