[A:༢༡༩] སོགས་སྦྱངས། ལོ་གསུམ་ནས་དེར་གྲྭ་སྐོར་མཛད། ཉེར་བཞི་པ་ལ་ལྷོར། མཁས་མཆོག་ཐུགས་རྗེ་དཔལ་བའི་དྲུང་དུ་ཕར་ཕྱིན་གྱི་དཀའ་གནད་ལ་དཔྱད། ས་སྐྱར་གྲྭ་སྐོར་མཛད། ཉེར་ལྔ་པ་ལ་ཤེལ་དཀར་དུ་མཁས་པ་གཡག་པ་དང་མཇལ། ལྷོའི་ནགས་འདབས་ཁུ་ལུང་དུ་ཟླ་བ་གཉིས། ངམ་རིངས་སུ་ཟླ་བ་གཉིས། ཚ་སྣང་ཟླ་བ་གཉིས་ཏེ་ཟླ་བ་དྲུག་བསྟེན་ཕར་ཕྱིན་གྱི་གནད་ཟབ་མོ་ཉམས་སུ་མྱོང་། ཉེར་བདུན་པ་ལ་གཡག་པ་མཁའ་སྤྱོད་དུ་བཞུད། ཉེར་བརྒྱད་པ་ལ་མུ་གུ་ལུང་དུ་སེམས་དཔའ་ཆེན་པོ་གཞོན་ནུ་རྒྱལ་མཆོག་གཉིས་ལོ་བདུན་བསྟེན། ཚད་མ་འུ་ཡུག་པའི་རིགས་མཛོད་ཆེན་པོ་སོགས་ལ་སྦྱངས། སོ་གཉིས་པ་ལ་ངམ་རིངས་སུ་ཆོས་རྗེ་རོང་ཆེན་པ་ལ་ཕར་ཚད་ཀྱི་གནད་ཟབ་མོ་གསན། སོ་བཞི་པ་ལ་བྱང་དུ་བཀའ་ལྔ་པ་དཔལ་འབྱོར་ཤེས་རབ་ལ་དབུ་མ་རེད་མདའ་པའི་ལུང་གསན། སོ་ལྔ་པ་སྟག་ལོར་ལྷ་སར་སྐོར་བ་འབུམ་ཐེར་མཛད། ཡར་ལམ་ནུབ་ཆོས་ལུང་དུ་གངས་ཆེན་ཀུན་དགའ་དཔལ་ལས་བསྙེན་པར་རྫོགས། སོ་བརྒྱད་པ་འབྲུག་ལོ་དཔལ་ལྡན་ས་སྐྱར། རྗེ་ངོར་པའི་དྲུང་དུ་བདེ་དགྱེས་ཀྱི་ལམ་ཟབ་མོ་གསན་ཐུགས་ཡིད་གཅིག་ཏུ་འདྲེས། སོ་དགུ་པ་སྦྲུལ་ལོར་ཐེག་ཆེན་ཆོས་རྗེ་གཤེགས། དེར་དཔོན་སློབ་ཀྱིས་བརྟག་གཉིས་བཤད་པ་དང་སྦྱོར་དྲུག་གི་གནད་ཟབ་མོ་ལ་ཉམས་ལེན་མཛད། བཞི་བཅུ་རྟ་ལོར་དཔལ་ལྡན་ས་སྐྱ་དེར་གསུང་ངག་རིན་པོ་ཆེའི་ཟབ་དོན་ཉམས་སུ་མྱོང་། སླར་ཡང་ཞེ་གཉིས་པ་ས་སྤྲེ་ལོ་ནས་ཟླ་བ་བདུན་དུ་གསུང་ངག་རིན་པོ་ཆེའི་ཟབ་མཐིལ་ཕྱིན་པར་གསན། ཞེ་གཉིས་པ་ས་མོ་བྱ་ནས་ངོར་དགོན་གསར་འདེབས་པའི་མཁར་ལས་དང་། ཟབ་དོན་ཉམས་ལེན་ཟུང་འཇུག་ཏུ་མཛད་ཅིང་། རྗེ་འདིས་དེའི་ཚེ་བརྟག་གཉིས་རྣམ་བཤད་ཀྱི་དགའ་སྟོན་ལེགས་པར་སྐྱེད། དེ་