[A:322b]kyi thugs sras dam pa bdag la bka' drin che ba'i rtsa ba'i bla ma rnam gsum gyi nang tshan 'jam pa'i dbyangs byams pa dpal ngag dbang bsod nams dbang po grags pa rgyal mtshan dpal bzang pos yab sngags 'chang bla ma kun dga'i mtshan can de nyid zhing gzhan du gshegs pa'i dus de nas bzung lo grangs drug gi bar du gdan sa mdzad la/ bdag nyid chen po de nyid kyi gcung bka' drin gzhal du ma mchis pa'i sprul pa'i skyes mchog rgyal sras sbas pa'i rnal 'byor dpal sa skya pa chen po sngags 'chang grags pa blo gros rgyal mtshan dpal bzang pos/ rje rang nyid dgung lo nyer bdun tsam du phebs pa nas/ lnga bcu rtsa lnga bzhes pa mi sbrul gyi lo'i bar te/ lo grangs sum cu so bdun tsam zhig gdan sa mdzad nas sngags 'chang kun dga'i mtshan can gyis bstan pa'i me ro rmang nas bslangs pa'i rgyun de nyid mi nyams shing dbyar mtsho ltar 'phel rgyas su mdzad cing / de rjes sngags 'chang grags pa'i mtshan can de nyid kyi sras 'jam dbyangs ngag dbang kun dga' dbang rgyal gyi yab rje chos kyi rgyal po nyid bde bar gshegs pa'i dus nas bzung / lug lo'i bar lo ngo gsum gdan sa mdzad la/ rje de nyid zhing gzhan du gshegs pa nas kho bo cag gis gdan sa chen po'i khur rnams khyer nas sbrul lo gdung rabs 'di nyid brtsams pa phan chad lo grangs bcu tsam lon zhing / da dung kyang ji srid 'khor ba ma stongs kyi bar ngos cag rigs brgyud dri ma med pa dang bcas pas dpal sa skya'i bstan pa bstan 'dzin dgon gnas dang bcas pa rgyun ma chad par skyong ba'i dge mtshan phun sum