[A:307b]na gdugs la bzhugs pa'i tshe/ nyin re bzhin nyi ma'i gung tsam la babs pa na/ mgo sil snyan gyi sgra 'dra ba la gsung thag shin tu ring ba'i sgra ya mtshan can zhig thog mar bla brang shar tsam gyi thad kyi nam mkha' nas byung nas rim gyis lho phyogs su song ste/ mthar bsam gling dgon pa'i thad tsam du yal 'gro ba rgyun chags su byung bas sku 'khor thams cad ya mtshan du gyur cing / lhag par tshes bcu bzhi'i snga dro rje nyid sngags 'chang chen po'i sku bstod shes bya kun la ma gdangs dang bcas pa zhig gsung shugs chen pos mdzad kyin 'dug pa la/ zhabs 'bring pa rnams kyis rgyu mtshan zhus pas/ gsung las da nang tho rangs rmi lam du sngags 'chang bde bar gshegs pa de nyid sngar las kyang sku gzi mdangs che ba zhig byas byon pa dang gsal bar mjal nas phyag btsal byin rlabs zhus te nad 'di las grol nas/ shar phyogs su bde phyam phyam phyin pa'i snang ba zhig byung bas rmi lam de dran nas bla ma la gsol ba btab pa yin gsungs/ 'di ni gsal bar gsung ma byon pa tsam ma gtogs/ don la sngags 'chang chos kyi rgyal po dang dngos su mjal ba la the tshom mi dgos shing / yang lan cig gsung las/ da nang tho rangs sngags 'chang chos kyi rgyal po chibs pa zhig mdzad/ nged rang chibs gdong la byas nas bla brang zam pa'i steng nas 'byon gyin 'dug pa la/ sngags 'chang chen po'i gsung gis da nged kyis ma yong ba rgyun ring song bas rgyan gyi lam rgyus legs po gyis shig ces gsung ba'i snang ba zhig byung ba ya mtshan che ci yin nam gsungs/ de dus kyang sngags