[A:292a]zhig 'byung zhes ma 'ongs pa mkhyen pa'i lung bstan dang bcas mtshan grags pa blo gros rgyal mtshan dpal bzang po zhes bya bar gsol ba yin no zhes thos la/ de lta bu'i mtshan de nyid don dang ldan par nges pa'i phyir 'di skad ces bstod de/ grags pas rgya mtsho'i gos can yongs khyab cing / /blo gros bsam yas bstan pa'i rgyal mtshan 'dzin/ /dpal ldan bla ma'i mdzad pa rnam dag mchog /bzang po'i spyod pas 'gro ba skyong la 'dud/ /ces so/ /de lta bu'i skyes chen dam pa de nyid kyi mtshan gyi rnam grangs gnyis pa ni/ 'jam dbyangs bsod nams rgyal mtshan dpal bzang po zhes bya bar slar yang yab rje chos kyi rgyal po nyid kyis gsol bar mdzad pa yin te/ de'i tshul ni rgyal sras grags pa'i mtshan can 'di 'khrungs nas dgung lo gsum bzhi tsam bzhes pa'i dus shig na cung zad gsung ngag ma bde ba zhig byung ba'i tshe/ sngags 'chang chos kyi rgyal por gter ston chen po chos kyi 'od zer gyis zhu yig phul ba las 'di ltar 'byung ste/ rgyal ba'i sku gsung thugs yon 'phrin las thams cad gcig tu bsdus pa'i ngo bor gyur pa/ sngags 'chang chos kyi rgyal po'i zhabs drung du zhu ba/ drung rams lags la bka' phebs nang ma'i tshul gnang ba'i skor blo ngor shin tu gcags pa byung lags pa dang / zhabs drung rgyan rin po che 'di nyid longs sku chen po'i zhing du gsang ba'i bdag po phyag na rdo rje dang / 'phags yul du mkhan chen bo dhi sa twa dang / bod yul du dpal ldan bla ma dam par grags pa de nyid yin par slob dpon padma saM bha wa'i