[A:265b]gsung ngag rin po che lam 'bras bu dang bcas pa/ lam skor phyi ma brgyad/ nag po rim bzhi/ dril bu rim lnga'i khrid sogs khrid kyi rim pa yang bcu phrag lhag pa sogs mdor na dbang lung man ngag sogs zab mo dam pa'i chos kyi 'khor lo rgya chen po bskor te/ skal ldan gyi slob ma'i tshogs kyang bsam gyi mi khyab pa zhig bskrun par mdzad pa yin no/ /de yang bdag nyid chen po 'di'i drung du snga phyir dam pa'i chos kyi bdud rtsi gsol ba'i bstan 'dzin gyi skyes bu ji ltar byon pa'i rnam grangs kyang / nyid kyi thugs sras rgyal tshab dam pa/ 'jam mgon grub pa'i dbang phyug padma'i rnam 'phrul bsod nams dbang po grags pa rgyal mtshan dpal bzang po dang / byang chub sems dpa' bo dhi satwa'i rnam 'phrul rgyal sras sbas pa'i rnal 'byor sngags 'chang grags pa blo gros rgyal mtshan dpal bzang po ste gdung sras rin po che sku mched gnyis dang / rtse gdong bdag chen kun dga' legs pa'i 'byung gnas dpal bzang po dang / mnga' ris gung thang gi chos rgyal chen po khri bsam grub sde/ mang yul rgyal brgyud mnga' bdag rgyal por grags pa/ bsam yas rgyal po btsad po tshe dbang rdo rje sogs bod chos rgyal gyi rigs su 'khrungs pa rnams dang / gzhan yang ngor mkhan chen sangs rgyas sengge/ gling dga' bde ba can gyi mkhan chen dkon mchog rgya mtsho/ gsang sngags bde chen gling gi mkhan chen dpal ldan bzang po/ chos grwa chen po thub bstan lha chen gyi mkhan chen paN chen legs blo ba sogs thub bstan lha chen gyi gdan sa pa drug lhag tsam dang / 'dra 'dri chos