[A:256a]ba dang bcas pa 'di yang legs par bzhengs te/ 'di dus bdag nyid chen po dam tshig can gyi 'khor nyung shas shig dang bcas bzhugs pa'i tshe/ rje'i gsung las/ sngon gyi dus su bzhugs khri 'di'i steng nas brtse ba chen po kun dga' snying pos zab chos mang du gsungs shing / slob dpon bsod nams rtse mo bzhugs khri'i g.yas phyogs pha gi der bzhugs/ zhu yas sdod sa sgo 'gram 'di kha yin/ de dus nged rang rgya bo nyis phrag can zhig yin kyang / da lta ni sngags pa rgan po zhig tu 'dug ces rje nyid rje btsun chen po yin pa zhal gyis bzhes pa sogs ngo mtshar gyi bka' mang du stsal zhing / gzhan yang sngon rdo rje phug pa'i nye logs 'di na sa chen dgung lo bcu gnyis pa'i zhabs rjes shig yod nges yin kyang / bar skabs sus kyang rtsad ma chod pa zhig byung 'dug pas/ rang re rnams 'tshol ba yin no zhes gsungs pa'i tshe/ gzhan rnams kyis yun ring po btsal kyang ma rnyed pa la/ sngags 'chang nyid kyis gter ston pa lta bu'i zhabs rjes yod pa'i rdo de phyag tu byung ba na/ rten 'brel bzang gsungs nas dbu thog tu 'jog pa mdzad cing / sku khrus gsol nas da lta sgo 'gram na bzhugs pa 'di nyid yin la/ de ltar bdag nyid chen po 'dis ngo mtshar ba'i ltas du ma dang bcas bris 'bur gyi sku gzhan yang gsar bzhengs mdzad pa ni/ dbu rtse rnying mar sa skya pa chen po'i sku thog tshad ma/ lha khang bla brang du gong ma lnga/ bla ma dam pa/ sa lo thams cad mkhyen pa rnams kyi sku brnyan re re dang / kha'u brang rdzong gi 'du khang na lam zab brgyud