[A:231a]dpa' che/ /zhes pa ltar te/ de yang bdag nyid chen po 'dis chos kyi 'khor lo bskor ba'i tshul zhib par ni sus kyang brjod par dka' mod/ 'on kyang mdor bsdus pa tsam ni 'di lta ste/ rje 'dis gdan sa chen po dpal ldan sa skya/ rtse gdong / ngor e waM chos ldan/ nA lendra/ gling dga' bde ba can/ chos 'khor lha sa/ byang rwa sgreng sogs gnas mang por chos kyi 'khor lo ji snyed cig bskor ba'i dus rnams su shes bya'i gnas la ma nor bar spyod pa'i mkhyen rab kyi 'jug pa rnon pos/ bshad bya'i chos de tshig rna bar snyan cing / tshig don go bde zhing chod che la/ dka' ba'i gnas rnams dpyis phyin cing byed pa gsal ba'i sgo nas/ so so'i blo dang 'tshams par bshad pas gdul bya rnams kyi blo gros kyi padmo rgyas par mdzad pa na/ nyin rang por chos kyi grwar gnas kyang skyo sun sogs gtan mi skye ba zhig yin par yongs su grags shing / ji snyed gsungs pa'i rnam grangs kyang / rgyud sde rin po che dri ma med pa rnams nas bshad pa'i spyi'i dbang bskur rdo rje phreng ba dkyil 'khor zhe gnyis/ de'i steng du kr-i ya sa mutstsha'i dge legs su byed pa'i dkyil 'khor gsum ste bzhi bcu zhe lnga'i dbang dang / sbyong rgyud dkyil 'khor bcu gnyis kyi dbang rnams dang / bye brag gi dbang la/ kye rdor bka' babs bzhi'i dbang la sogs pa lnga bcu rtsa gcig ste yongs bsdoms smin byed dbang gi rnam grangs brgya rtsa brgyad dang / gsung ngag rin po che lam 'bras bu dang bcas pa'i gdams pa la sogs pa grol byed khrid kyi rnam grangs nyi shu rtsa bdun tsam