[A:225b]rnams thim pa na/ shing mo sprul gyi lo chu stod zla ba'i nyer brgyad kyi nyin/ bkra shis pa'i dge mtshan du ma dang bcas te bltams shing / de'i skabs su shar mi nyag gi paNDi ta grags pa rdo rje bas gzhon nu gzugs bzang zhing mdzes la blta na sdug pa des zhal gyi dkyil 'khor gzigs pa na/ a rokSha dpal ldan sa skya pa'i bstan pa'i rtsa ba zin a gsungs shing sku pang du bzhes nas/ rgyal ba'i thugs sras sngon sbyangs dge ba yis/ /yon tan thams cad 'bad med lhun gyis grub/ /chung ngu nyid nas dam pa'i spyod pa mdzad/ /bu chung 'phags pa'i sku la phyag 'tshal lo/ /zhes bstod cing / mtshan rdo rje rgya sogs bkra shis rgyal mtshan dpal bzang po zhes bya bar gsol te/ de nas paNDi ta de'i drung du dam pa'i chos kyang mang du gsan par mdzad ces thos la/ de dag gi skabs su bla ma legs pa bzang po pa byas bas yon tan thams cad kyi phyi mo 'bri klog phul ba na/ brda bstan pa tsam gyis 'bri klog gnyis ka thog med du mkhyen cing yi ge'i rigs kyang bod yig mi the ba'i rgya gar ba'i yi ge rigs drug tsam dang / mkha' 'gro'i yi ge dang / hor yig gsar la sogs pa yi ge rigs mang po gzigs pa tsam gyis dgongs te/ mdor na 'dri ba dang klog pa'i tshul thams cad la mkhyen rab phul du byung bas skye bo thams cad ngo mtshar ba'i gnas su gyur pa yin no/ de nas dgung lo drug bzhes pa na/ bdag chen rgya dkar shes rab rgyal mtshan gyi drung du dges pa rdo rje'i dbang / rdo rje phur pa'i dbang drag po sgrol ba'i rjes gnang sogs dbang rjes gnang mang du gsan cing / sku