[A:225a]dpal 'byor du ma 'byung ba'i bsti gnas dpal rtse gdong gi phun tshogs gling zhes pa'i khang bzang chen po der/ phun tshogs gnas dang skyon med rigs bzang dang / /kha na ma tho med pa'i yab dang yum/ /skal bar ldan pa'i 'khor tshogs la dgongs nas/ /zas gtsang sras bzhin dge mtshan bcas te bltams/ /zhes pa ltar ngo mtshar ba'i ltas du ma dang bcas legs par 'khrungs pa yin te/ de yang bdag nyid chen po 'di'i yum rtse gdong bla brang du mi phebs tsam gyi nub cig mnal lam du ri gcig la 'dzeg gin 'dug pa na mun pa che nas lam mi rnyed snyam pa na/ rum nas nyi zla gnyis 'thon nas phyogs thams cad gsal bar byas pa rmis shing / yum gyi lhums su zhugs pa'i tshe rtse gdong gi byang phyogs na rje btsun sa skya pa'i bla mtsho yin pa'i mtsho zhig yod pa de cher rgyas pa dang / gshin rje gshed kyi rnal 'byor pa 'brom ston ye shes rgyal mtshan gyi mnal lam du/ rtse gdong bla brang pa'i gsol zhing chen mo la yab gung na bzhugs nas sa bon 'debs shing / skye bo gzhan du ma dang bcas pas phun sum tshogs pa'i bkra shis byed pa dang / rmis ltas pa gzhan 'ga' zhig gi rmi lam du bla brang la sa dkar gsol ba dang / steng na dar 'phyar ba dang / nyi zla shar ba la sogs pa byung zhing / khyad par du yum la rmi ltas bzang po du ma dang / nyin bar gyi tshe yang shes pa gsal zhing bde bas brgyan pa dang / lus ldang ba yang zhing zo mdog bde ba la sogs pa'i rtags khyad par can du ma byung bar grags la/ de ltar ltas du ma dang bcas shing zla grangs