[A:216a]gsung shog khra gdan rgyal yum bsod nams legs 'dzom dkar mo'i phyag bris ngos ma zhig 'dug pa las ji ltar 'byung ba bzhin bkod pa yin la/ de ltar sngags 'chang chos kyi rgyal po'i dgongs pa bzhin/ bdag chen pa nyid gdan sa chen por phebs pa'i khu dbon mjal 'phrad gnang nas che 'don dang rten mjal sogs gnang grub pa zhig bdag chen pa 'di mdzad pa 'phrin las rgya che bas ma byung yang / sngags 'chang chen po zhing gzhan du gshegs pa'i rjes su 'jam pa'i dbyangs sku mched gnyis kyi drung du bdag chen 'di nyid kyis slar yang sngags 'chang chos kyi rgyal por ji ltar gsol ba btab pa bzhin zhu yig dang mi sna sogs gnang ba la brten nas/ 'jam pa'i dbyangs mched gnyis kyis kyang bdag chen 'di'i dgongs bzhes ltar/ 'jam dbyangs mthu stobs dbang phyug slob 'khor gyi tshogs dang bcas te mdo khams phyogs su rdzong ltar phun sum tshogs pa mdzad de/ 'dab 'dob sa dkar gnyis kyis gtsos pa'i dgon che chung grwa bu slob sbyin bdag dang bcas pa'i zhal bdag dang / gdung sras spel ba sogs kyi sgo nas srid pa ji srid gnas kyi bar du khams phyogs kyi sa skya pa'i bstan pa 'dzin pa'i slad du chibs kyi kha lo sgyur bar mdzad de/ bdag chen 'di dang mjal skabs chos dang mthun pa'i gsung gleng mang du mdzad pas/ rje 'di thugs shin tu dges pa chen po'i ngang nas 'jam dbyangs mthu stobs dbang phyug la zang zing gi gnang skyel rgya chen po stsal zhing / de nas 'jam dbyangs mthu stobs mtshan can nyid kyis mdo khams