[A:21b]ngag nod pa'i tshul ni/ de nas gsung ngag mnyan par bzhed de/ se'i slob ma su drag dris pas/ 'ga' zhig zha ma drag zer/ rgyus ma rnams na re/ de la gdams ngag rdzogs pa med pas zhang ston mched gnyis drag de'ang gcung po ni grongs/ gcen po bzhugs pas de mkhas zer/ der bzhud par dgongs nas bla ma gnam la 'gro bar zhus pas/ sgom chen 'di brdzun che ba yin/ gdams pa ci yang med de mchi/ dad pa yod na gsang 'dus kyi sgrub thabs bstan pa'i nor rdzas bsgom gsungs nas ma gnang ba la/ bdag la yid ches gcig bdog zhus pas/ 'o na rgyug gsungs nas byon/ sag thang du phebs pa dang / thags mkhan tsho gcig 'dug pa la zhang dgon pa ba la mjal gyis dang byas pas/ pha ki ka yin zer nas bltas pas/ mi mang po cig gi gseb na sham thabs shig gsol/ sha 'gag med par ra thul cig phyir klog tu gyon nas yo ga byed cing gtam chal chol mang po gsung gin 'dug pa dang / der drung du phyin nas phyag byas pas khyed ni ga shed kyi mi chen cig 'dra na/ de nas kyang gsar ma pa cig 'dra na nor ba ma yin nam gsungs pa la/ ma nor lags gsung ngag rin po che zhu ba lags byas te khrab cig phyag rten du phul bas/ bla ma zhang gi zhal nas/ da ci ru nor byas te ngas de 'dra mi shes/ de'i ming yang da res las ma thos/ ngas rdzogs chen tsa mun ti dang bram ze'i skor 'dra bshad pa yin/ de kun nyan pa la khyed gsar ma ba bya ba rtog pa che bas rtog pa mi byed dam gsungs/ bskyar nas zhus pas kyang de 'dra'i gdams ngag