[A:21a]a skyabs bya ba de sa skyar gdan drangs nas/ gsang 'dus 'phags pa yab sras kyi dgongs pa lha rdo rje snying po zhes bya ba'i lugs dang / sangs rgyas ye shes zhabs kyi brgyud pa sman pa'i zhabs zhes bya ba'i skor la/ 'phags pa 'jam dpal gyi zhal lung dang / ye shes zhabs kyis mdzad pa'i lung dang mthun pa'i chos bcu bdun dang / rgyud kyi 'grel pa rin po che'i ljon shing dang / zhal lung dang / mar me mdzad bzang pos mdzad pa'i dkyil chog rnams la/ sman pa'i zhabs kyis mdzad pa'i 'grel pa re re dang / slob dpon de nyid kyi dgongs pa dngos grub 'byung ba'i gter zhes bya ba rnams gsan nas thugs su chud par mdzad do/ /rdo rje gdan pa la bha wa pa'i 'grel pa yan lag dang bcas pa dang / mahA mA yA'i 'grel pa lugs gnyis yan lag dang bcas pa dang / rdo rje bdud rtsi'i rgyud dang 'grel pa yan lag dang bcas pa dang / sems 'dzin brgyad bcu pa zhes bya ba rnams gsan no/ /bal po paNDi ta padma shrI la/ mtshan brjod/ dus 'khor dang / man ngag du ma gsan no/ /bal po dznyA na badzra la rdo rje rnal 'byor ma'i chos du ma gsan no/ /rgya gar gyi rnal 'byor pa bha dra rA hu la la man ngag du ma nos so/ /dge bshes rngog ces bya ba la sher phyin jo bo'i lugs/ nyi khri snang ba rtsa 'grel/ brgyad stong rtsa 'grel/ mngon rtogs rgyan rtsa 'grel/ sdud pa rtsa 'grel/ brgyad stong don bsdus rtsa 'grel/ shAnti pa'i gzhung lugs tshan cig rnams gsan nas thugs su chud par mdzad do/ /gnyis pa khyad par gsung