[A:202a]du sku mtshams la dam par bzhugs pa'i bar skabs su sgrub pa po rin chen sogs 'khor rnams na re/ deng sang mi nyung dus 'dir lha sar jo bo mjal du phebs pa drag zhus pa na/ bdag nyid chen po 'di rang thugs dam dge sbyor shin tu 'phel ba yod pas de kar bzhugs 'dod pa zhig yod kyang / sku 'khor rnams kyis zhu nan che bar brten lha sar phebs par chas pa'i dus bud med mdzes ma cig byung nas/ phyag 'tshal zhing bla ma khyed gnas 'dir cis kyang bzhugs par zhu 'bul zhing / phebs lam du zhugs nas kyang zhu 'bul bshol 'debs yang yang byas nas/ bshol ma thebs pa dang a'u tsi a'u tsi zer nas mgo gug pa cig byas nas song ba bdag nyid chen pos gzigs pa ltar/ sgrub pa po rgya mtsho bya bas kyang mthong bar grags shing / de'i dus su bdag nyid chen po 'di la mdzo mo gsum yod pa'i bzang shos de rbab tu shor nas shi ste/ de nyid gzhi bdag ma de bdag nyid chen po 'di der ma bzhugs pa la ma dga' ba'i ltas su 'dug ces bdag nyid chen po rang nyid gsungs so zhes kyang bshad do/ /de nas lha sar phebs te jo bo'i drung du mchod pa dang smon lam rgya chen po btab ste/ de rjes bstan 'dzin skyes bu du mas bsten pa'i gnas byang rwa sgreng rgyal ba'i dben gnas su chag phebs nas der zla ba lnga tsam gyi bar du thugs dam gyi rim pa la gtso bor bzhugs shing / de nyid du 'dus pa'i gdul bya rnams la dbang khrid sogs dam pa'i chos zab mo du ma'i bka' drin stsal te/ de dus chos skyong gi bsnyen pa mdzad pa'i tshe thugs kyi nyams snang