[A:17a]gyi sgrub thabs kyi rnam gzhag dkyil chog nyi shu pa/ zla grags kyi rdo rje sems dpa'i sgrub thabs/ sangs rgyas ye shes zhabs kyis mdzad pa'i sgrub thabs kun bzang 'grel pa gsum dang bcas pa/ don 'grel dza yanta dang / tha ka na dang / snyim pa'i me tog che chung gnyis/ dkyil chog bzhi brgya lnga bcu pa rtsa 'grel/ mi bskyod rdo rje bya ba'i sgrub thabs bstan pa'i nor rjas/ de'i 'grel pa bsod snyoms pas mdzad pa che ba/ de'i don bsdus ka hi ka zhes bya ba dang / sgeg pa'i rdo rjes mdzad pa'i 'jam dpal gyi 'grel pa bar par grags pa dang / de'i rgyud zla gsang dpal gyis mdzad pa'i 'grel pa/ rnam rtog bde ba zhes bya ba'i 'grel pa/ 'grel pa gong ma de dag gi yan lag gi phra mo rnams kyang gsan no/ /mtshan nyid kyi phyogs la mngon rtogs rgyan ma gtogs pa'i byams pa'i chos bzhi/ bslab btus/ spyod 'jug mdo kun las btus dang / spyod phyogs phra mo mang du gsan te thugs su chud par mdzad do/ /de nas bgres po rnams bgros te/ da pha chos shig rtsad gcod par 'thad par 'dug pa las/ pu hrang pa gsal snying mkhas te ni gshegs/ de'i slob ma 'khon sgyi chu ba dgra lha 'bar mkhas kyang zer/ gdung rus kyang gcig pas khong can byon pa drag zer nas byon pas/ dbang bskur zhus pas sta gon gyis nub mo mnal lam du srid pa'i rgya mtsho yin zer ba'i chu bo chen po dmar mer ba cig la zam pa gsum 'dug pa'i chu 'gram na bsgral rgyu'i mi mang po 'dug pas/ nga sgrol bar zhu nga sgrol bar zhu zer nas de la bsgral