[A:149a]rabs rnams la so sor dbang bsgyur ba'i gdung rabs dang / bla brang de dang de nas gyes pa'i gdung rabs la/ de dang de'i gdung rabs zhes brjod rigs kyi/ bdag nyid chen po'i btsun mo mu da gan la lcam sring gnyis 'khrungs pa'i bsod nams bzang po dang / de'i sras ratna bha dra ste yab sras de gnyis dang / ti shrI kun blo rnams la sa skya spyi la dbang ba'i gdung rabs zhes brjod dgos pa 'dra mo zhig 'dug pa la/ 'di dag kyang so sor dbang bsgyur ba'i gdung rabs kyi khongs su 'dren pa la rgyu mtshan cig yong snang bas de nyid smras rigs so/ /bdag nyid chen po'i btsun mo spyi grangs kyi bzhi pa/ lung gis phud pa'i gsum pa yul glang mtsho'i na spe ma/ ming nam mkha' rgyal mor grags pa la yab bdag nyid chen po dgung lo zhe bzhi bzhes pa shing mo sbrul gyi lo mkhas btsun chen po nam mkha' legs pa'i rgyal mtshan dpal bzang po lha rtser 'khrungs te/ mkhas pa nor bzang dpal la sogs pa bsten nas thugs gnyer mdzad pas/ skyes stobs kyi shes rab phun sum tshogs pas gzhon nu nyid nas yab mes kyi chos rnams thugs su chud pas/ 'khor lo chen po'i mngon rtogs la sogs pa rtsom pa yang ci rigs pa mdzad cing / gzhan yang chos skyong che chung gnyis shin tu 'go bas nus pa'i mnga' bdag tu gyur te/ ku sha la go thug rgyal pos shel dam che ba dang / kun ting gu shrI'i mtshan gsol/ gzhi thog gi go sar bzhugs nas gdan sa/ dgung lo nyer gcig pa nas so dgu'i bar te lo ngo bcu dgu mdzad/ de'i bar la bstan pa'i