[A:133a]bkur ba/ rgyal bu ji big la springs pa/ grags bzang la springs yig ston gzhon la bkur ba rnams so/ /chos bzhengs pa'i tshigs bcad kyi skor la/ rgyal bu jim gyim gyis gsung rab rnams bzhengs pa'i tshigs bcad/ yang phal po che bzhengs pa'i tshigs bcad/ mangga las chos bzhengs pa'i tshigs bcad/ rgyal bu ji big gis chos bzhengs pa'i tshigs bcad/ a rog ches chos bzhengs pa'i tshigs bcad/ e se nas chos bzhengs pa'i tshigs bcad/ lo tsA ba rin chen dpal gyis 'bum bzhengs pa'i tshigs bcad rnams so/ /bsngo ba dang bkra shis kyi skor la/ gos dar lnga stong dang dgu brgya bzhi bcu phul ba'i dus kyi mchod brjod bsngo ba/ dpon mo dur rgan dur mi la shis pa brjod pa/ rgyal bu jim gyim la shis brjod/ no ko la shis brjod/ yang bkra shis phreng ba/ yang bkra shis shlo ka gsum pa/ mangga la yab yum la tshig bzhi pa gcig yang shlo ka bzhi pa gcig ji big yab yum la tshig bzhi pa gcig dpon mo chen po la tshig bzhi pa gsum/ yang bkra shis kyi tshigs bcad gcig rnams mdzad de/ de thams cad kyang tshig brjod bde zhing / don 'brel chags pa/ gzhan gyi rna bar snyan cing snying la 'bab pa 'ba' zhig ste/ deng sang bar du dar rgyas su gyur pa yin no/ /de ltar dam pa'i chos 'chad pa dang rtsom pa dang rtsod pa la sogs pa bstan pa'i bya ba rlabs po che'i sgo nas bde bar gshegs pa'i bstan pa gsal bar mdzad pa'i bstan 'dzin slob bu bskrun tshul ni/ spyir bdag nyid chen po 'di'i