[A:117b]'gran ngan par 'cha' gsungs/ lung gi dus yin pas cis kyang lung la brten pa ngo mtshar che gsungs/ dge bshes 'chad kha bas sha ra ba la bod du 'gyur tshad kyi chos la khyod longs spyod cig gsungs nas 'dug des lung gi go e chod zhus pas/ de 'jam lung bya ba yin te lung gi go mi chod/ 'on kyang med pa bas drag gsungs/ 'an bu la yang bla mas de zhu dgos zhu dang byas pas/ khyed rang yang de ltar mdzod cig gsungs/ des mi 'ong bod du 'gyur tshad dang / sgrub thabs/ man ngag la sogs pa thams cad la longs spyod cig gsung bar zhu bgyis pas/ bod du 'gyur tshad dang / 'dres khyer/ dam nyams nas ma brgyud pa'i sgrub thabs man ngag thams cad la khyed rang longs spyod cig gsungs/ 'o na sangs rgyas rnams sems can gyi dus na tha dad tha dad rnams bsgrubs shing nyams su blangs pas/ sangs rgyas kyi sa na'ang tha dad tha dad du bzhugs pa yin nam/ 'on te chos sku gcig tu gyur nas bzhugs pa yin zhus pas/ sangs rgyas rnams ni zag med dbyings/ /mkha' ltar lus ni med phyir dang / /sngon gyi lus rjes 'brangs pa yin/ /sangs rgyas gcig min tha dad min/ /bgyi ba lags pas/ gcig pa'ang min tha dad pa'ang min/ gcig pa'ang lags/ tha dad pa'ang lags bgyi ba mu bzhir mchi ba lags gsungs/ 'o na sngon gyi bka' gdams pa rnams thob mi thob zer nas gshin gyi rus pa la tsha tsha btab/ gdung khang la sogs pa la shin tu rtseg par byed par gda'/ da lta ni bdag 'dzin su che dang nor su yod kyis