[A:104b]bkur byas nas mar gyi 'gro stabs dang / za ma'i bza' lugs dang / dge bshes tshan gcig la rim gro'i gnyer gtad la sogs pa'i bslab bya dang bcas pa'i khrims mang po mdzad skad/ de nas nyi shu'i nub mo sgyu ma chen mo'i sta gon/ nyer gcig gi nub mo dngos gzhi mdzad pa la/ bla ma gser khri mthon po gcig la bzhugs/ de'i g.yas phyogs na rten mang po bkram/ mdun na mchod pa bzang po mang po bshams/ g.yon phyogs kyi khri'i rtsa na mngon pa bas dbu byas nas dge bshes dang mi chen sha stag gral rim byas nas sgor gyis bskor bas g.yas kyi mchod pa'i drung yan chad nyi shu rtsa bzhis 'khor ba/ de'i rgyab na phar la dbang gtad pa mang po/ de'i nang 'khor na nye gnas pa dang mchod g.yog pa mang po/ de rnams kyi dbus na bla ma'i khri'i drung rang du gdan bzang po bting ba'i steng du bdag bzhag nas bsnyen bkur thams cad kyang sngon la 'dren/ bla ma'i dbang gi cho ga thams cad kyang sngon la bdag la gzhan pas yun ring ba re mdzad/ tha na dung dang 'khor lo dang mda' gzhu lag tu gtong pa yan chad dbang gi bya ba gang yin pa de thams cad bdag la 'khor gyis byed ma myong / thams cad bla mas mdzad/ gzhan phal cher 'khor la gnyer gyin 'khor gyis mdzad par gda'/ mtshams mtshams su gdams ngag mang po dang rjes zlos mang po dgos pa bdag la gsung sprad kyin bdag gcig pu la mdzad pa bzhin du bgyis so/ /rjes kyi cho ga yan chod tshar ba'i rjes la/ sang dro thon tsam na khyed rang thams cad gur 'di'i mtha' skor du tshogs shig gsungs nas gyes