[A:95b]dang mu tig gis spras pa'i snam sbyar/ rin po ches brgyan pa'i phyam tshe/ chos gos/ rin po che'i zhwa/ lhwam/ stan la sogs pa phul/ yang yo byad la gser gyi gdugs/ gser gyi khri'u/ gser gyi phor pa/ dngul gyi ja 'o rin po che'i yu ba can gyi gri la sogs pa phul/ yang nor sna la/ gser bre chen gcig dngul bre chen bzhi/ rnga mo'i chibs pa gsar ma/ dre'u/ gser gyi sga stan srab gsum dang bcas pa phul ba yin/ stag gi lo 'di yang rten gyi rgyu dngul bre chen lnga bcu rtsa drug gsol ja rtse lnga sigs nyis brgya/ gos chen yug brgya dang bcu tham pa/ mdor na 'ja' sa dang longs spyod 'di rnams thams cad chos kyi yon du phul ba yin/ khyed gtsang gi bande rnams kyis kyang de shes par gyis/ de ma yin na 'ja' sa ci la bskur/ khyed bande rnams kyang dpon mgo ma rtsod/ dpon mang na mi bzang ba yin/ 'ja' sa yod pas kyang gzhan la rung rung ma byed/ khyed bande rnams dmag dang 'thab 'khrug ma byed par shAkya mu ne'i lugs bzhin du chos shes pas shod/ mi shes pas nyon/ chos 'bri klog dang sgom sgrub la 'bad pa gyis/ gnam mchod cing nged la smon lam thob/ la la na re bslab mi dgos bsgom pa yin zer ba ma bslabs pa ci bsgom/ go nas bsgom mod/ bande rgan pa rnams kyis gzhon pa la kha ta gyis la chos slob/ gzhon pas kyang rgan pa la nyon/ khyod bande rnams la dmag khral las gsum med pa 'di bla ma dkon mchog gi bka' drin yin pa de khyed kyis mi shes sam/ khyed kyis shAkya mu ne'i lugs bzhin ma byas na hor