[A:86b]par gyis shig pa'i bka' bsgos nas bstan pa gtad do/ /de nas glang lo la se chen gan gyis gdan drangs pa nas pho brang du byon te/ rgyal pos gzhan gyis dris pa'i lan ma thebs pa'i the tshom mang po dris pa'i lan rgyu mtshan dang bcas pa gsungs pas mnyes pa yin te/ de yang rgyal pos khyed bod kyi yul na mi che ba su 'dra byung gsungs pa la/ 'phags pa rin po che'i zhal nas/ nged bod kyi yul du mi che ba chos rgyal mes dbon rnam gsum byon pa lags gsungs pas/ de gsum mi che ba'i rgyu mtshan ci yin gsungs pa la/ srong btsan sgam po thugs rje chen po'i sprul pa/ khri srong lde'u btsan 'jam dbyangs kyi sprul pa/ khri ral pa can phyag na rdo rje'i sprul pa lags pas mi che ba lags zhus pas/ khyed bod yul du pho rgod pa su byung gsungs pa la/ pho rgod po mi la ras pa zhes bya ba byung gsungs pas de ci yin gsungs/ tshe stod la dgra brtul/ tshe gzhug la chos byas grub pa thob pa lags zhus pas/ khyod kyi yul du mi yon tan che ba su byung gsungs pa la/ yon tan che ba bdag gi bla ma rje sa skya pa lta bu byung zhus pas/ bla ma chos rje pa'i mkhyen pa de ci tsam yin/ de la khyed rang gis ci tsam bslab gsungs pas/ bla ma chos rje pa'i mkhyen pa de rgya mtsho dang 'dra/ de nas bdag gis chu phul gang blangs pa tsam bslab zhus so/ /de nas rgyal po'i zhal nas bod la dmag khral 'gel ba dang / nor sdud la gtong gsungs pa la/ rgyal po la 'phags pa rin po ches zhu ba tshan cher zhu bar mdzad de/ bod mtha' khob yul chung / sa rgya dang 'byor pa med pas dmag mi